rKTs

e-texts navigator

Volume

Page

57b₁ sangs rgyas bcom ldan 'das gang rnams las de bzhin gshegs pa re re'i tshul khrims kyi yon tan gyi bsngags pa phun sum tshogs pa las brtsams te/ bskal pa mtha' yas par bsngags pa brjod kyang de bzhin gshegs
57b₂ pa de'i tshul khrims kyi yon tan gyi bsngags pa phun sum tshogs pa yang mi zad cing thug pa ma mchis la de bzhin gshegs pa de dag gi spobs pa so so yang dag par rig pa la yang thug pa ma mchis te/ de ltar
57b₃ sangs rgyas bcom ldan 'das tshul khrims dpag tu ma mchis pa de dag la mos pa'i mchog gis mos so/ /gtso bo dang / dam pa dang / khyad par du 'phags pa dang / rab dang / phul dang / gya nom pa dang / bla ma
57b₄ dang / bla na ma mchis pa dang / mnyam pa ma mchis pa dang / mi mnyam pa dang mnyam pa dang / mtshungs pa ma mchis pa dang / snang ba ma mchis pa dang / bdag nyid chen po dang / zil gyis mi non pa dang / yon tan gyi chos
57b₅ thams cad sdud pa dang / yang dag par rdzogs pa'i sangs rgyas kyis bka' stsal pa'i mos pas lhag par mos so/ /tshul khrims la ji lta ba de bzhin du ting nge 'dzin dang / shes rab dang rnam par grol ba dang / rnam par grol
57b₆ ba'i ye shes mthong ba dang / de bzhin du byams pa chen po dang / snying rje chen po dang / dga' ba chen po dang / btang snyoms chen po dang / de bzhin du stobs dang / mi 'jigs pa dang / de bzhin du sangs rgyas kyi chos thams
57b₇ cad yang dag par 'byung ba'i bar dag la lhag par mos so/ /mos nas kyang sangs rgyas bcom ldan 'das de dag la phyag 'tshal lo/ /bstod do/ /bkur ro/ /bsngags so/ /rab tu bsngags so/ /'dud do/ /rab tu 'dud do/ /phyag bgyi'o/ /gzhol lo/ /blta'o/ /brtag
57b₈ go/ /byams pa'i lus kyi las dang / byams pa'i ngag gi las dang / byams pa'i yid kyi las ye shes sngon du 'gro ba dang / kun tu bzang ba dang / sangs rgyas kyi rgyan gyi lus kyi las dang / ngag gi las dang / yid kyi las kyis

_{iiif viewer powered by OpenSeadragon}

57a - 58a

Texts on this page