| e-texts navigator |
| བོད་ཡིག |
10a1 par byas nas rdzogs par byas shing gnas na khyod la 'jigs pa gang nas kyang 'byung bar mi 'gyur ro/ /de nas bcom ldan 'das kyis de'i tshe tshigs su bcad pa 'di bka' stsal to/ /khyod kyis ma yengs yid byed
10a2 kyis/ /rtag tu rgyal ba de dran zhing / /rtag tu byams pa'i sems byos dang / /khyod la 'jigs pa 'byung mi 'gyur/ /gzhon nu 'og gi phyogs logs su sangs rgyas kyi zhing 'di nas sangs rgyas kyi zhing dgu khri nyis stong 'das pa na
10a3 'jig rten gyi khams yon tan thams cad kyis brgyan pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas dang po sems bskyed the tsom gcod mdzad nyon mongs bskyod ces
10a4 bya ba da ltar bzhugs te 'tsho zhing gzhes so/ /gzhon nu khyod kyis de bzhin gshegs pa de la bya ba rtsom pa thams cad dang / 'greng yang rung / 'dug kyang rung / 'chag kyang rung ste/ spyod lam thams cad du phyag 'tshol
10a5 cig / yid la byos shig dang / sems can rnams la byams pa'i sems dang / phan pa'i sems sgrubs shig dang / gzhon nu khyod la 'jigs pa 'byung bar mi 'gyur zhing / dgos pa thams cad kyang 'bad
10a6 mi dgos par 'gyur ro/ /de nas bcom ldan 'das kyis de'i tshe tshigs su bcad pa 'di bka' stsal to/ /bya ba kun la nyin mtshan du/ /sangs rgyas de ni dran bya zhing / /byang chub sems kyang ma btang dang / /khyod la
10a7 'jigs pa 'byung mi 'gyur/ /gzhon nu khyod kyis de bzhin gshegs pa dgra bcom pa yang dag par rdzogs pa'i sangs rgyas de dag gi mtshan legs par bzung bar gyis shig /legs par bcang bar gyis shig /
10a8 legs par kun chub par gyis shig dang / 'jigs pa dang / bag tsha ba 'am/ spu zing zhes byed pa gang ci yang rung ba de dag thams cad khyod la 'byung bar mi 'gyur ro/ /de skad ces bka' stsal pa dang / bcom ldan 'das la shAkya gzhon nu
iiif viewer powered by OpenSeadragon
Texts on this page
J210 - 'phags pa phyogs bcu'i mun pa rnam par sel ba zhes bya ba theg pa chen po'i mdo