| e-texts navigator |
| བོད་ཡིག |
94b1 me tog gi snod kyi khams kyi rdzogs longs spyod pa'i sku'i sems kyi gnas chos kyi sgo mo le'u yi nang na zag pa med pa'i tshul khrims bcu bshad zin to/ /stong phrag brgya 'bum gyi thub pa yang de bzhin no/ /dbang po chen po'i
94b2 gnam gyi rgyal po'i pho brang nas 'di'i gtsang ma'i shing drung na 'dug pa bcu'i gnas na chos dang tshul khrims kyi le'u yang bshad do/ /byang chub sems dpa' thams cad la bsgo ba bshad kyis mi lang ngo / /mang po phal rtag par
94b3 gzungs su zung la kha ton du lhogs shig / de'i gzhung bkrol bshad pa de yin no/ /stong phrag brgya yang 'bum gyi khams pad mo'i me tog snod kyi khams rdul phra mo snyed kyi khams kyi thams cad kyi sems kyi snod tshul khrims kyi snod
94b4 grangs med pa'i smon lam gyi snod yon tan dang / sangs rgyas kyi rang bzhin 'dug pa'i snod de sangs rgyas thams cad grangs med/ chos kyi sgo mo yang bshad zin to/ /stong phrag brgya'i khams kyi nang na sems can thams
94b5 cad kyis gzungs su bzung ste dga' zhing gus par byed do/ /sems kyi gnas rgya cher phye ba'i gzungs ni sangs rgyas kyi me tog 'od kyi rgyal ba'i le'u yi nang nas bshad do/ /sangs rgyas bdun gyis tshig gi le'u
94b6 bshad pa gcig ste/ sangs rgyas rnam par gzigs kyis bstan pa'i tshul khrims bshad pa/ bzod pa'i dam pas dka' thub zhugs/ /bzod pa'i dam pas mya ngan 'da'/ /gzhan la gnod pa de ni byang chub ma yin
94b7 no/ /gnyis te spyi tor sangs rgyas kyis bstan pa/ mig can mi bde yod las byol te 'gro/ /mkhas pas 'tsho ba'i 'jig rten na/ /sdig pa kun kyang rnam par spongs/ /gsum ste thams cad skyob sangs rgyas
94b8 kyis bstan pa/ gnod la mi smra mi sems te/ /so sor thar pa bzhin du sdom/ /zas kyi tshod kyang rig par bya/ /gnas kyang dben par 'jug par bya/ /rab tu sems dang ldan pa ni/ /de ni sangs rgyas bstan pa'o/
iiif viewer powered by OpenSeadragon
Texts on this page
J198 - chos kyi rgya mo sangs rgyas rnam par snang mdzad kyis byang chub sems dpa'i sems kyi gnas bshad pa le'u bcu