| e-texts navigator |
| བོད་ཡིག |
87a1 lus kyis 'grus par slob cing spyod sgom mi nus pa rnams ni dkon mchog bdun bdun btang ste/ slar log par bltas te theg pa chung ngu rnam gnyis dang / mur 'dug gi chos dang / ma rabs kyi gzhung la bsten pa dang /
87a2 a b+hi d+harma bshad pa slob pa dang / theg pa chung ngu'i yi ge dang / 'dug par slob na de ni sangs rgyas kyi ngo bo nyid kyi sa bon chad pas lam 'gog pas bsgribs pa'i rgyu rkyen gyis byang chub sems dpa'i lam ma yin no/ /de lta na
87a3 ched kar byas pa ni ltung ba'o/ /sangs rgyas kyi bu sangs rgyas 'das pa'i phyi na chos 'chad pa bdag po byed pa dang / dge 'dun gyi khyim bdag po dang / ston cing 'phrul pa'i bdag po dang / bsam gtan du 'jug pa'i bdag
87a4 po dang / 'gro zhing 'ongs pa'i bdag po dang / de lta bu byed na byams pa'i sems bskyed la mi mdza' ste/ 'thab cing rtsod pa yang dge bar bsdum pa'i rigs so/ /dkon mchog gsum gyi nor yang dge bar bsrungs te ma
87a5 'os par mi spyad/ bdag gis bdag gi sgor bab pa dang mtshungs par bya'o/ /de la las log par mang po 'grub cing 'bad pa dang / rang nyams kyi sems kyis dkon mchog gsum gyi nor spyad na ltung ba'o/ /sangs rgyas
87a6 kyi bu sngan chad dge 'dun gyi khyim gyi nang na 'dug la byang chub sems dpa' dang / dge slong 'dron pa zhig phyis dge 'dun gyi khang khyim dang / mkhar dang / grong dang / rgyal po'i khyim dang / dbyar tshul du zhugs pa'i tshe dang / 'khor
87a7 gyi nang du 'ongs pa mthong na snga na 'dug pa'i dge 'dun gyis 'ong na ni bsu 'gro na ni bskyal te zas kyi bsti stang dang / khang khyim dang nyal ba'i mal cha dang / khri dang / sna sna nas sbyar te sbyin no/ /la la zhig bdag la nor med na
87a8 bdag gi lus dang / bu pho dang / bu mo dag btsongs te/ ci 'dod pa kun sbyar te sbyin dgos so/ /sbyin bdag la la zhig 'ongs te/ dge 'dun phal dang / dge 'dun gyi 'dron pa zhig gnyer te/ yon gyi nor skal ba yod
iiif viewer powered by OpenSeadragon
Texts on this page
J198 - chos kyi rgya mo sangs rgyas rnam par snang mdzad kyis byang chub sems dpa'i sems kyi gnas bshad pa le'u bcu