| e-texts navigator |
| བོད་ཡིག |
85b1 sgyu ma'i tshig tu nus shes zer ba ni bdag la brnyas shing bslus/ gzhan la yang brnyas te chos so cog rnam pa gcig kyang mi shes par gzhan la mkhan po byed cing tshul khrims ston pa ni ltung ba'o/ /sangs rgyas
85b2 kyi bu ngan sems bskyed de/ tshul khrims 'dzin pa'i dge ba'i lag na pog snod khyer te/ byang chub sems dpa'i las byed pa la mthong nas phan tshun gnyis kyis bar du bar bcug ste/ 'phags pa'i
85b3 mi la brnyas ma shin byed cing ngan mi byed pa med do zhes skur te/ de lta bu ched kar byas na ltung ba'o/ /sangs rgyas kyi bu snying rje spyad de ci 'ang mi gsad par btang ba'i las byed cing pho'o cog ni bdag gi pha yin/
85b4 mo'o cog ni bdag gi ma yin/ bdag sngan chad kyi tshe rabs la gar skyes so cog na yang de dag las ma skyes pa med pas na 'gro ba drug gi sems can bdag gi pha ma yin te/ de bsad cing zos na bdag gi pha ma
85b5 bsad do/ /gcig tu na bdag gi lus rnying pa bsad do/ /sa dang chu thams cad ni bdag gi lus snga ma yin no/ /me dang rlung ngo cog ni bdag gi gzugs kyi phyi mo yin pas rtag par gson por btang ba'i las
85b6 byed/ gar skyes gar skyes kyang sems can gsod pa mthong na thabs spyad de bdag gis 'or ba dang ra mda' byas te/ nyon mongs shing phongs pa thar bar bya'o/ /rtag par byang chub sems dpa'i tshul khrims
85b7 bshad de bstan bslabs nas sems can thar pa'i ra mda' bya'o/ /pha ma dang / bu pho dang nu bo zhig shi na de nyin par chos kyi mkhan po gnyer te/ byang chub sems dpa'i tshul khrims bshad na de'i bsod nams
85b8 kyis shi ba de sangs rgyas thams cad dang phrad de mtho ris su skye'o/ /de ltar ma byas na ltung ba'o/ /chos kyi rgya mo/ bam po gnyis pa ste tha ma/ 'di lta ste/ tshul khrims 'di bcu bslabs na sems
iiif viewer powered by OpenSeadragon
Texts on this page
J198 - chos kyi rgya mo sangs rgyas rnam par snang mdzad kyis byang chub sems dpa'i sems kyi gnas bshad pa le'u bcu