rKTs

e-texts navigator

Volume

Page

84a₁ mtshungs par byas na dge ba'i bsod nams rnam pa brgyad kyi nang na nad pa la lta zhing gsos pa'i dge ba'i bsod nams ni bsod nams kyi dam pa'o/ /pha ma dang / mkhan po dang / dge 'dun dang / slob ma 'am/ dbang po ma tshang
84a₂ ba nad do cog gis btab cing nyon mongs na kun kyang gsos te sos par bya'o/ /de la byang chub sems dpa' sems can la lta gshe zhing ngan sems kyis dge 'dun gyi khyim dang / yul mkhar du ma phyin pa/ dbye dang / ri lung dang /
84a₃ mkhar dang / tshal na nad pa 'dug pa mthong ste ra mda' dang / rim gro ma byas na ltung ba'o/ /sangs rgyas kyi bu ral gri dang / mda' gzhu dang / mdung dang / sta re la sogs te thab mo'i spyad mtshon cha dang / sems can gsod pa'i spyad dang
84a₄ 'dra ba rgya rgya mo la sogs pa 'chang du mi rung ngo / /byang chub sems dpa' ni pha ma gzhan gyis bsad kyang sha mi glan na/ sems can thams cad gsad pa lta smos kyang ci dgos/ mtshon cha ched kar 'chang ba na ltung ba'o/ /'di lta bu'i
84a₅ tshul khrims rnam bcu ni bslabs te/ rtag par gzungs su gzung ba'i rigs so/ /'og ma le'u drug gi nang na rgya cher bshad do/ /sangs rgyas kyis sangs rgyas kyi bu rnams la bka' stsal pa/ sangs rgyas kyi bu khe 'dod pa'i phyir
84a₆ sems ngan pa bsams te/ nyi 'og gi yul du pho nyar 'drul ba dmag gi g.yul bshams te/ dmag bskyod nas 'thabs te sems can mang po bsad na byang chub sems dpa' dmag gi nang du song zhing phan tshun du 'drul yang mi rung
84a₇ na ched kar yul gyi dgra byed pa lta smos kyang ci dgos/ de la ched kar byed pa ni ltung ba'o/ /sangs rgyas kyi bu bla 'bangs dang / bran phos smos dang / phyugs bdag sna drug dang / gshin sgrom ro gzhug pa'i snod la sogs pa/ khe dang
84a₈ tshong spogs bdag gis kyang bgyi ba'i mi rigs na gzhan la byed par bstan pa lta smos kyang ci dgos te/ de la ched kar byed pa ni ltung ba'o/ /sangs rgyas kyi bus ngan sems bskyed de pha log po dge ba nges pa/ chos kyi mkhan po/

_{iiif viewer powered by OpenSeadragon}

83b - 84b

Texts on this page