rKTs

e-texts navigator

Volume

Page

80a₁ nga da ltar zla ba phyed phyed cing bdag gis sangs rgyas thams cad kyi tshul khrims kha ton du klog go/ khyed la sogs pa thog ma sems bskyed pa'i byang chub sems dpa' thams cad kyis kyang kha ton du lhogs shig /sems
80a₂ g.yos te phyogs pa bcu dang / g.yo zhing bskyed pa bcu dang / rdo rje bcu pa dang / sa bcu'i byang chub sems dpa' rnams kyis kyang kha ton du lhogs shig /'ung na tshul khrims kyi 'od kha nas byung ste rgyu yod/ rkyen med pa'i 'od ma yin te/
80a₃ 'od sngon po dang / dmar po dang ser po/ dkar po/ nag po yang ma yin/ kha dog kyang ma yin/ sems kyang ma yin/ yod pa yang ma yin/ med pa yang ma yin/ rgyu rkyen gyi chos kyang ma yin te/ sangs rgyas thams cad kyi ni gdod
80a₄ ma phyi mo byang chub sems dpa' thams cad kyi ni lam gyi rtsa ba bas na mang po thams cad dang / sangs rgyas kyi bu rnams kyi rtsa ba'i phyi mo zhes bya'o/ /'di lta ste/ sangs rgyas kyi bu rnams kyis kyang gzungs su gzung ba'i rigs so/ /
80a₅ legs par bslabs pa'i rigs so/ /sangs rgyas kyi bu rnams brtags par nyon cig /sangs rgyas kyi tshul khrims nod na ni rgyal po dang rgyal bu dang / blon po che phra dang / dge slong pho smos dang / gzugs kyi khams kyi gnam bcwa
80a₆ brgyad dang / 'dod pa'i khams gnam drug dang / gdol pa dang / nying grum dang / pho g.yem dang / mo g.yem dang / bran pho smos dang / lha ma srin sde brgyad dang / phyag brnyen dang / byol song dang / 'phrul zhing 'gyur ba'i
80a₇ mi la sogs te chos kyi mkhan po'i tshig brda phrad pa'i rnams thams cad tshul khrims mnod du rung ste/ kun kyang ming rab tu gtsang ma zhes bya'o/ /sangs rgyas kyis sangs rgyas kyi bu rnams la bka' stsal pa/ so sor thar pa la
80a₈ phas pham pa bcu yod do/ /sangs rgyas kyi tshul khrims mnos pa ni tshul khrims 'di kha ton du ma blags na byang chub sems dpa' yang ma yin/ sangs rgyas kyi sa bon yang ma yin/ nga yang 'di bzhin du kha ton du klog go/ /

_{iiif viewer powered by OpenSeadragon}

79b - 80b

Texts on this page