rKTs

e-texts navigator

Volume

Page

78a₁ rnam par snang mdzad kyis 'od btang ste/ 'og gi me tog stong gi thog gi sangs rgyas la sbran te/ nga'i sems kyi gnas kyi chos kyi sgo mo'i le'u gzungs su zung la deng shig /yang gcig nas gcig tu 'bum phrag brgya'i yang
78a₂ phrag stong gi shAkya thub pas sems can thams cad la mthar gyis nga'i yan chad kyi sems kyi gnas kyi chos kyi sgo mo'i le'u shod de khyod la sogs pa sems gcig tu gzungs su zung la byos shig / de nas me tog stong gi thog gi
78a₃ sangs rgyas 'bum phrag brgya'i yang phrag stong gi shAkya thub pa pad mo'i snod kyi khams na lham me lhang nge ba'i seng ge'i khri las langs te/ so so nas mchi phyag 'tshal te phyir nur nas lus kun gyis bsam gyis mi khyab pa'i 'od btang
78a₄ ste/ kun 'od kyi nang nas grangs med pa'i sangs rgyas phyung ste/ cig car grangs med pa'i me tog sngon po/ ser po/ dmar po/ dkar pos rdzogs longs spyod pa'i sku sangs rgyas la yon du gsol nas yan chad sems kyi phyi mo'i le'u
78a₅ bshad pa yang khong du chud nas so sor pad mo'i snod kyi khams kyi nang du nub ste/ rang bzhin gyis bskal pa stong pa nyid kyi nang du nub nas me tog 'od kyi ting nge 'dzin thog mar byung ba'i gnas su slar song ste/ 'dzam bu'i gling byang chub kyi
78a₆ shing drung du phyin nas rang bzhin gyi bskal pa me tog 'od kyi ting nge 'dzin las byung ste/ gdod rdo rje'i rgyal po'i gdan dang / 'od shin du bzang po'i khang par 'dug nas phyogs bcu'i chos rgya mtsho dang mtshungs par bshad do/ /de nas yang seng
78a₇ ge'i khri las langs te sum bcu rtsa gsum gnam gyi pho brang du phyin nas gral bcu'i chos bshad do/ /de nas zung ma'i gnam du phyin te las su bya ba bcu bshad do/ /de nas yang khri las langs te rgyal chen ris bzhi'i gnam du phyin nas
78a₈ phyogs shing lta ba bcu bshad do/ /de nas yang 'dug pa'i sa nas langs te/ 'phrul dga'i gnam du phyin nas bsam gtan mi 'gyur ba bcu bshad/ de nas yang 'dug pa'i sa nas langs te gnam bden gnam du phyin nas sa bcu'i chos bshad/

_{iiif viewer powered by OpenSeadragon}

77b - 78b

Texts on this page