rKTs

e-texts navigator

Volume

Page

76b₁ byang chub pa de ni de bzhin nyid/ gang de bzhin nyid pa de ni yang dag pa'i mtha' gang yang dag pa'i mtha' de ni stong pa nyid/ gang stong pa nyid de ni mtshan ma med pa/ gang mtshan ma med pa de ni smon pa med pa/ gang smon pa med pa de ni
76b₂ don dam pa/ gang don dam pa de ni chos kyi dbyings/ gang chos kyi dbyings de ni gnyis su med pa'i mtha' gang gnyis su med pa'i mtha' de ni dbu mar sgrub pa/ gang dbu mar sgrub pa de ni yang dag par rdzogs pa'i sangs rgyas kyi chos
76b₃ kyi sku rtag pa/ brtan pa mi 'gyur ba ste/ rtag pa yang ma yin/ mi rtag pa yang ma yin te/ de ni gdags pa yang ma yin/ mi gdags pa yang ma yin/ gang gdags pa yang ma yin/ mi gdags pa yang ma yin pa de ni 'jig
76b₄ rten pa yang ma yin/ 'jig rten las 'das pa yang ma yin/ gang 'jig rten pa yang ma yin/ 'jig rten las 'das pa yang ma yin pa de ni brjod du med pa/ gang brjod du med pa de ni chung zad kyang med pa gang chung zad kyang
76b₅ med pa de ni sems can rnams kyi bsod nams kyi zhing gang sems can rnams kyi bsod nams kyi zhing de ni ston pa/ gang ston pa de ni rnam par mi rtog pa/ gang rnam par mi rtog pa de ni dmigs pa med pa/ gang dmigs pa
76b₆ med pa de ni mi 'gyur ba grub pa/ gang mi 'gyur ba grub pa de ni yid bzhin gyi nor bu rin po che ste/ 'dul ba'i sems can rnams kyi bsam pa thams cad yongs su rdzogs par bya ba'i phyir ji ltar mos pa thams cad
76b₇ byed do/ /de nas byang chub sems dpa' mang po de dag gis tshig 'thun par smras pa/ chos kyi gzhung 'di gang na spyod pa'i sa phyogs de rdo rje lta bu ste/ sangs rgyas dang / byang chub sems dpa' rnams bzhugs pas
76b₈ na sems can de myur du mngon par shes pa dang / dbang po rnon por 'gyur bar rig par bya'o/ /gang zhig chos kyi gzhung 'di la brjod dam/ 'dzin tam/ klog gam/ chub par byed dam/ kha ton du byed dam/ tshul

_{iiif viewer powered by OpenSeadragon}

76a - 77a

Texts on this page