rKTs

e-texts navigator

Volume

Page

70b₁ ye shes gzigs pa chen po dang ldan te/ bdag cag gis rnyed pa legs par rnyed do/ /zhes smras so/ /de nas byang chub sems dpa' gang phyogs bcu'i 'jig rten gyi khams nas 'dus pa steng gi bar snang la 'khod pa de dag bar snang de las babs nas/
70b₂ bcom ldan 'das dang 'jam dpal gzhon nur gyur pa'i zhabs la mgo bos phyag 'tshal te/ bskor nas phyogs bcur dong ngo / /de nas 'jam dpal gzhon nur gyur pa la lha'i bu dpal bzangs ldan gyis 'di skad ces smras so/ /
70b₃ 'jam dpal khyod kyis mdzad pa mdzad cing sems can tshad med pa byang chub tu yongs su smin par mdzad pa legs so legs so/ /'jam dpal khyod kyis byang chub sems dpa' rnams kyi byang chub yongs su smin par bgyid pa'i
70b₄ chos las brtsams te spobs par mdzod cig / 'jam dpal gyis smras pa/ lha'i bu byang chub sems dpa' rnams kyi byang chub yongs su smin par byed pa'i chos ni sum bcu rtsa lnga'o/ /sum bcu rtsa lnga gang zhe na/ 'di lta ste/ dus su
70b₅ skul ba dang / tshod la skul ba dang / ran par skul ba dang / dbang po la skul ba dang / brtan par skul ba dang / pha rol du phyin pa la skul ba dang / thabs la skul ba dang / lhag pa'i bsam pa la skul ba dang / byams pa chen po la skul ba dang / snying rje
70b₆ chen po la skul ba dang / theg pa chen po la skul ba dang / theg pa dman pa la skul ba dang / bden pa la skul ba dang / de bya ba la skul ba dang / chos srung bar skul ba dang / thos pa bstan par skul ba dang / sems can sna
70b₇ tshogs su mi dbye bar skul ba dang / tshul khrims 'chal pa dang / tshul khrims dang ldan pa la sbyin pa'i gnas su mtshungs par skul ba dang / bdud kyi las bstan par skul ba dang / dam bcas pa nyams 'og tu chud par
70b₈ skul ba dang / 'khor bas yongs su mi skyo bar skul ba dang / bdud gdul bar skul ba dang / byas pa shes pa dang / byas pa gzo bar skul ba dang / rgyu zad pa la 'jug par skul ba dang / rnam par thar pa'i sgo la mi 'jigs par skul ba dang / de bzhin

_{iiif viewer powered by OpenSeadragon}

70a - 71a

Texts on this page