| e-texts navigator |
| བོད་ཡིག |
39b1 yon tan gyi 'byung gnas su gyur cing mkhyen pa dpag tu ma mchis pas thams cad mkhyen pa zhes mtshan gsol pa/ sems can gnas gang du 'du bar 'gyur ba bdag la bka' stsol cig /bcom ldan 'das kyis bka'
39b2 stsal pa/ drang srong chen po gnas med pa la sems can 'du bar 'gyur ro/ /mnyam pa nyid la sems can 'du bar 'gyur ro/ /drang srong chen po theg pa gcig gis 'byung ba la sems can 'du bar 'gyur ro/ /
39b3 byang chub kyi snying po la sems can 'du bar 'gyur ro/ /drang srong chen po phung po ma lus pa'i mya ngan las 'das pa'i dbyings su sems can 'du bar 'gyur ro/ /drang srong chen po 'di lta ste/ dper na chu klung tha dad pa dang /
39b4 klung phran dang / klung chen po dag rgya mtsho chen por bab nas ro gcig tu 'gyur ro/ /drang srong chen po de bzhin du sems can gyi khams ji snyed zag pa zad par byed pa de dag rnam par grol ba'i ngang du gyur pas 'du bar 'gyur ro/ /drang srong
39b5 chen po 'khor bar 'du bas sems can 'du bar 'gyur ba ni 'du ba ma yin pa'o zhes nga smra'o/ /drang srong chen po 'di lta ste/ dper na rlung gis bdas nas phye ma leb phyi bi zhwa la 'du bar 'gyur te rlung med na so sor 'gyes so/ /drang srong
39b6 chen po de bzhin du sems can dmyal bar 'gro bar 'gyur bas phan tshun las 'brel pa'i sems can gyi khams de dag kyang der 'du bar 'gyur ro/ /drang srong chen po rnam grangs 'di lta bur phan tshun las kyis 'brel ba dag yi dags
39b7 su skye bar 'gyur/ dud 'gror skye bar 'gyur te/ der de dag 'du bar 'gyur ro/ /drang srong chen po lha dang mi rnams su de dag 'du bar 'gyur ro/ /drang srong chen pos gsol pa/ thams cad zil gyis gnon pa/
39b8 thams cad mkhyen pa/ mir skyes pa 'di sems can che ge mo zhes bgyi ba zhig dang 'dus par gyur to/ /dud 'gror skyes pa 'di zhes bgyi ba nas yi dags su skyes pa 'di 'dus par gyur to zhes bgyi ba'i bar du ji ltar 'tshal bar
iiif viewer powered by OpenSeadragon
Texts on this page
J188 - 'phags pa don dam pa'i chos kyi rnam par rgyal ba zhes bya ba theg pa chen po'i mdo