rKTs

e-texts navigator

Volume

Page

38a₁ drang srong chen pos gsol pa/ kye gau ta mA de de bzhin te/ zhu ba brjod pa 'di ni rnam par dag go/ /ci'i slad du bskal pas sreg par 'gyur ba bka' stsol cig /bcom ldan 'das kyis bka' stsal pa/ drang srong chen po
38a₂ chos kyi dbyings 'dus ma byas pa'i phyir bskal pas sreg par 'gyur ro/ /drang srong chen po gal te bskal pas sreg par mi 'gyur na chos kyi dbyings gnyis su 'gyur te/ la la mi rtag la/ la la rtag par 'gyur ro/ /de'i tshe de bzhin gshegs
38a₃ pa bden pa smra bar mi 'gyur ro/ /drang srong chen po gang gi phyir 'di thams cad rtag pa ma yin/ brtan pa ma yin/ dbugs phyin pa ma yin pa de'i tshe de bzhin gshegs pa thams cad mkhyen pa zhes bya ba de'i ming thob bo/ /drang srong chen
38a₄ pos bram ze'i khye'u la smras pa/ 'di thams cad mkhyen par mtshan gsol pa ni 'thun no/ /bcom ldan 'das kyis bka' stsal pa/ drang srong chen po gal te bskal pas bsregs par ma gyur na 'di ni dus bzang po'o/ /'di ni
38a₅ ngan pa'o zhes bya bar dus tha dad pa med par 'gyur ro/ /drang srong chen po gal te yang bskal pas bsregs par ma gyur na legs par byas pa dang / nyes par byas pa'i las rnams kyi rnam par smin pa tha dad pa med par 'gyur ro/ /
38a₆ drang srong chen po yang 'di lta ste/ bskal pas sreg pa 'di ni de bzhin gshegs pa rnams kyi thabs mkhas pa ste/ drang srong chen po sems can ji snyed bskal pas sreg par 'gyur ba thos nas dad par 'gyur ba'i sems can de snyed de bzhin
38a₇ gshags pas bsdu ba'i dngos pos sdud par 'gyur ro/ /drang srong chen po 'di lta ste/ dper na kha chu ldag pa'i sbrul ni mig gis kyang rdub/ rna ba dang / sna dang / kha'i sgo nas kyang rdub bo/ /drang srong chen po de bzhin gshegs pa
38a₈ la yang de ltar blta ste/ sbyin pas kyang sdud/ snyan par smra bas kyang sdud/ don spyod pas kyang sdud/ don 'thun pas kyang sdud do/ /drang srong chen po 'di lta ste/ dper na gser la gnod par bya ba'i phyir mer 'jug pa ma yin gyis/

_{iiif viewer powered by OpenSeadragon}

37b - 38b

Texts on this page