| e-texts navigator |
| བོད་ཡིག |
37a1 ma shes na 'dis ji ltar shes snyam mo/ /bcom ldan 'das kyis bka' stsal pa/ drang srong chen po de'i phyir legs par rab tu nyon la yid la zung shig dang bshad do/ /drang srong chen po gang nga la sems can gyi skye ba gang nas byung
37a2 zhes smras pa de ni yi ges brjod pa ma yin pa'o/ /sems can zhes bya ba ni ma rig pa'i rkyen nas skye ba dang / rga shi'i bar du byung ba'o/ /drang srong chen po yang rgyu rkyen las sems can skyes te rgyu rkyen ni pha ma'o/ /drang srong chen po yang pha ma 'grogs
37a3 pa ni de'i rgyu'o/ /gang gi tshe yongs su rtog pas kun nas bslang ba'i las kyi rlung rnams kyis bud med kyi grong du 'jug pa de ni rkyen no/ /drang srong chen po yang sdug bsngal 'phags pa'i bden pa dang / sdug bsngal kun 'byung ba dang / sdug bsngal
37a4 'gog pa dang / sdug bsngal 'gog par 'gro ba'i lam 'phags pa'i bden pa ni sems can no/ /nye bar len pa'i phung po lnga dang khams bcwa brgyad ni sems can no/ /drang srong chen po sems can yang gzhan la las kyang gzhan ma
37a5 yin/ las kyang gzhan la sems can yang gzhan ma yin no/ /drang srong chen po sems can ni 'grib pa ma yin/ 'phel ba ma yin no/ /drang srong chen pos gsol pa/ kye gau ta ma gal te sems can 'grib pa ma mchis 'phel ba ma mchis
37a6 na/ ci'i slad du sems can khyi'i skye gnas nas shi 'phos te dbang sgyur du 'gyur/ bcom ldan 'das kyis bka' stsal pa/ drang srong chen po de ni ji skad smras pa de bzhin du ma yin no/ /gal te dbang sgyur dbang sgyur yin du zin na ni dbang med
37a7 par 'chi bar mi rigs so/ /drang srong chen po gang rang gi lus kyi gtso bo ma yin pa de ji ltar dbang sgyur du 'gyur/ drang srong chen po 'di lta ste/ dper na srin bu me khyer 'di snyam du bdag gis 'dzam bu'i gling snang bar bya'o snyam du sems pa'i rkyen gyis
37a8 srin bu me khyer gyis 'dzam bu'i gling snang bar byed dam/ sems ma dul ba'i dbang sgyur yang dag pa ma yin no/ /drang srong chen po yang gal te dbang sgyur nyon mongs pa 'bri bar gyur na ni khyi la nyon mongs pa shas che bar 'gyur ro/ /gang gi
iiif viewer powered by OpenSeadragon
Texts on this page
J188 - 'phags pa don dam pa'i chos kyi rnam par rgyal ba zhes bya ba theg pa chen po'i mdo