rKTs

e-texts navigator

Volume

Page

36b₁ lho phyogs pa dang / nags khrod pa dpag tu med pa phyung / rgyal rigs shing sA la chen po lta bu dang / bram ze dang khyim bdag shing sA la chen po lta bu dang / mi gzugs dang / cha byad dang / mdog dang / smra ba'i skad sna tshogs pa ji snyed
36b₂ pa dang / lha'i ris ji snyed pa de dag thams cad de bzhin gshegs pa'i sku las phyung ngo / /de nas 'khor chen po de the tshom du gyur nas phan tshun gdong du lta'o/ /byang chub sems dpa' rnams rab tu dga' ste/ rin po che'i char 'bebs pa
36b₃ nas rgyan thams cad kyi bar gyi char 'bebs so/ /de nas bcom ldan 'das rin po che gtong ba'i ting nge 'dzin las bzhengs te/ seng ge bsgyings pas phyogs bcur rnam par gzigs so/ /bcom ldan 'das kyis phyogs
36b₄ bcur gzigs ma thag tu de nas phyogs bcu'i sangs rgyas kyi zhing dag nas sangs rgyas bcom ldan 'das ji snyed sangs rgyas kyi spyan la snang ba de dag thams cad lag mthil du bzhag pa bzhin du mi mjed kyi 'jig rten gyi khams su kun du snang ngo / de bzhin gshegs pa thams cad kyis kyang bcom ldan 'das shAkya thub pas ji ltar phyung ba de 'dra ba'i rdzu 'phrul gyi cho 'phrul phyung ste/
36b₅ de bzhin gshegs pa rnams kyi sprul pa phyung ba ji snyed pa de dag thams cad kyang bcom ldan 'das ga la ba de logs
36b₆ su dong ste phyin nas bcom ldan 'das kyi 'khor gyi nang du 'dus par gyur to/ /byang chub sems dpa' dpag tu med pa dag kyang / dge slong dang / dge slong ma dang / dge bsnyen dang / dge bsnyen ma gang gA'i bye ma snyed dag dang lhan cig tu
36b₇ de bzhin gshegs pa la mchod pa chen po dpe med pa thogs te 'dir lhags so/ /de bzhin du lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi ma
36b₈ yin pa du ma de dag kyang bcom ldan 'das kyi rdzu 'phrul gyi cho 'phrul de mthong nas bcom ldan 'das ga la ba der dong ngo / /de nas gang dag phyogs bcu nas lhags pa'i byang chub sems dpa' de dag gis mchod pa bla na med pas bcom ldan 'das

_{iiif viewer powered by OpenSeadragon}

36a - 36'a

Texts on this page