rKTs

e-texts navigator

Volume

Page

36a₁ pa rnams dang / byang chub sems dpa' bye ba phrag dgu bcu rtsa dgu dang thabs gcig tu bzhugs te/ lha bye ba phrag nyi shu rtsa brgyad dang / dge slong dang / dge slong ma dang / dge bsnyen dang / dge bsnyen
36a₂ ma brgyad khri drug stong dang / gyad drug khri dang / gcer bu pa bye ba phrag bcu gnyis dang / drang srong chen po mngon par shes pa lnga dang ldan pa/ gdung ba lngas yan lag gcig pa lnga brgya yan lag dkar ba/ sha med cing rus
36a₃ mgo lpags kyis yog pa/ lto zhar zhing skra'i khur khyer ba/ lus rgu ba/ g.yang gzhi dang shing shun gyon pa/ lag na ril ba thogs pa brgyad khri bzhi stong dang yang thabs gcig go/ /rgal bar 'dun pa rnams dang yang thabs
36a₄ gcig go/ de nas bcom ldan 'das ri nag po rnams kyi nang na ri'i rgyal po ri rab ltar drang srong rnams kyi nang na lham me/ lhan ne/ lhang nge ste/ lug rnams kyi nang na glang po che'i rgyal po mche ba drug pa 'dra la/
36a₅ srin bu me khyer gyi drung na nyi zla dang mtshungs shing / rtswa ka shi'i me tog gi nang na man dA ra ba'i yal ga dang 'dra la/ nam mkha' lding gi rgyal po bya rog gis bskor ba dang 'dra bar bcom ldan 'das drang srong rnams kyi nang na nyis 'gyur du mdzes
36a₆ so/ /de nas bcom ldan 'das rin po che'i gtong ba zhes bya ba'i ting nge 'dzin la snyoms par zhugs te/ rdzu 'phrul gyi cho 'phrul dpag tu med par mdzad cing glo g.yas g.yon gnyis nas 'od zer phyung ste/ de bzhin gshegs pa bye ba
36a₇ dpag tu med pa phyung / byang chub sems dpa' bye ba dpag tu med pa dang / brgya byin dang / tshangs pa dang / 'jig rten skyong ba dpag tu med pa phyung / dgra bcom pa brgya stong dpag tu med pa phyung / dge slong dang / dge slong ma dang /
36a₈ dge bsnyen dang / dge bsnyen ma brgya stong dpag tu med pa phyung / 'khor los sgyur ba dang / stobs kyi 'khor los sgyur ba dang / khams kyi rgyal po dang / rig sngags 'chang dpag tu med pa phyung / rgya dang / ri brags pa dang / 'gro lding ba dang /

_{iiif viewer powered by OpenSeadragon}

35b - 36b

Texts on this page