rKTs

e-texts navigator

Volume

Page

14b₁ gcig tu brtags par nyon cig dang khyod la dgrol bshad do/ /sems can thams cad kun sems gcig /sangs rgyas gcig /ngo bo nyid gcig ste/ mya ngan 'khrug pa thams cad kun ni sems gcig las
14b₂ skyes so/ /kun kyang 'du mched dang shes rab gnyis kyi gnas kyi rgyu las langs so/ /ji lta zhes byas na/ rgyu'i rang bzhin dang / bdag gi rang bzhin dang / rang bzhin gnyis kyi stobs las stobs rnams gnyis
14b₃ kyi rang bzhin g.yos te/ skad cig bsams pa las mi bden pa'i sems skyes te/ mi bden pa de la ni phyi mo'ang med do/ /skad cig sems g.yos pa'i tshe mya ngan 'khrug pa'ang mod bzhin ldang ngo / /sems 'di
14b₄ la brtags na mi bden pa'i sems la phyi mo med do/ /phyi mo med na gnas kyang med do/ /de la gnas med par rtogs na tshor ba'i sems skyes te/ phyi mo tshor ba'i sems gtsang ma la bsam pa yong med do/ /sems
14b₅ la bsam pa med na sems mi g.yo'o/ /sems mi g.yo na sems kyi gnas kyang med de/ de'i ming ni gtsang gdang ngo / /gtsang gdang ba'i stong pa'i sems ni ngo bo nyid phyi mo nas gtsang gdang ste gtsang mas mngon
14b₆ brtags par yang med do/ /gtsang gdang ba'i sems dang yang bral bas na gtsang gdang zhes bshad do/ /byang chub sems dpa' ni gtsang gdang ba'i sems la bya ba yang med/ g.yo ba yang med/ dri ma yang med/
14b₇ gtsang ma yang med/ skye ba yang med/ 'bri ba yang med de mthar cis kyang gos pa med de/ gnas gcig la 'ang 'dug pa med de/ de'i ming dang grangs las yong bral lo/ /rtag pa de bzhin na de bzhin zhes
14b₈ bya ba yang med de/ dper rdo rje dang mtshungs te ngo bo nyid gcig pu la zhig pa 'ang med do/ /dper nam mkha' dang mtshungs te thams cad shong / dper me tog pad mo dang mtshungs te sred pa'i chus mi chags so/ /

_{iiif viewer powered by OpenSeadragon}

14a - 15a

Texts on this page