| e-texts navigator |
| བོད་ཡིག |
92a1 'dul ba la rab tu byung ba yin no/ /shA ri'i bu phyag rgya 'dis mngon pa'i nga rgyal can brtag par 'dod pas ni phyag rgya de'i mdun du brjod par bya'o/ /shA ri'i bu shin du brtags pa ni phyag rgya 'dis ni
92a2 mngon pa'i nga rgyal can mang po brtag par nus so/ /chos kyi rnam grangs 'di bstan pa na dge slong bdun brgya len pa med par zag pa rnams las sems rnam par grol lo/ /srid pa tha ma pa'i dge slong brgya
92a3 ni chos kyi rnam grangs 'di la ma zhugs shing ma rtogs la ma mos nas stan las langs te dong ngo / /dge slong lnga ni spong ba byas shing bzlog pa byas nas rang gi lus dang bcas te sems can dmyal ba chen por
92a4 lhung ngo / /bcom ldan 'das kyis bka' stsal pa/ shA ri'i bu ngas kye ma chos 'di ni 'jig rten thams cad dang mi mthun no snyam ste/ de la dgongs nas de skad bstan mod kyi 'on kyang gang dang yang mi mthun pa med de/
92a5 shA ri'i bu dper na mi la la zhig gnyid kyis log pa'i rmi lam du skye bo phal po che'i mdun du khyed la ngas chos bshad par bya'o/ /chos de yang 'jig rten thams cad dang mi mthun no zhes tshig tu smra na/ shA ri'i
92a6 bu 'di ji snyam du sems/ chos de dang mi mthun pa gang dag yin pa'i mi de dag yod pa yin nam/ gsol pa/ bcom ldan 'das de ni ma mchis lags so/ /bcom ldan 'das kyis bka' stsal pa/ shA ri'i
92a7 bu de bzhin du nga yang kye ma chos 'di ni 'jig rten thams cad dang mi mthun no zhes de skad du yang ston la de 'jig rten de yang yang dag par ma mthong ngo / /'jig rten med pa la ni chos kyang bgrang du med do/ /'jig rten
92a8 gdags pa yang med do/ /shA ri'i bu 'jig rten thams cad dang mi mthun pa zhes bya ba ni chos rnams ma 'dres shing chos rnams 'dre ba med pa la bya bar gsungs so/ /gsol pa/ bcom ldan 'das ma 'dres
iiif viewer powered by OpenSeadragon
Texts on this page
J146 - 'phags pa chos kyi phyag rgya zhes bya ba theg pa chen po'i mdo