rKTs

e-texts navigator

Volume

Page

91b₁ 'jig rten las 'das pa'i rdzogs par bsnyen pas rdzogs par bsnyen pa yin te/ de ltar rab tu byung ba gang dag yin pa de dag ni yang dag par rab tu byung ba yin gyi/ de lta ma yin par rab tu byung ba gang dag yin pa de dag ni
91b₂ log par rab tu byung ba yin no/ /shA ri'i bu dge slong de lta bus ni dad pas byin pa longs spyad par 'os te/ gos dang / zas dang / mal cha dang / stan dang / na ba'i gsos sman dang / sman zong rnams longs spyad par 'os
91b₃ so zhes bka' stsal to/ /dogs pa med pa'i dge slong ni dogs pa khas mi len to/ /yi ge med cing yi ge las 'das pa'i dge slong gang yin pa de ni bgrang ba las bstan par mi nus la/ de la ni 'ong ba yang med/
91b₄ 'gro ba yang med/ 'greng ba yang med/ 'dug pa yang med/ nyal ba yang med do/ /rtog pa can ma yin pa'i dge slong ni brtags pa la longs spyod pa'o/ /rtog pa can gyi dge slong ni ma brtags pa la longs
91b₅ spyod pa ste/ tshe dang ldan pa rab 'byor bcom ldan 'das kyis de la dgongs nas de tsam gyis na dge slong legs par gsungs pa'i chos 'dul ba la rab tu byung ba 'phags pa 'jig rten las 'das pa'i rdzogs par bsnyen pas
91b₆ rdzogs par bsnyen pa yin te/ de ltar rab tu byung ba gang dag yin pa de dag ni yang dag par rab tu byung ba yin gyi/ de lta ma yin par rab tu byung ba gang dag yin pa de dag ni log par rab tu byung ba yin no/ /shA ri'i bu dge
91b₇ slong de lta bus ni dad pas byin pa longs spyad par 'os te/ gos dang / zas dang / mal cha dang / stan dang / na ba'i gsos sman dang / sman zong rnams longs spyad 'os so zhes bka' stsal to/ /de nas bcom ldan 'das
91b₈ kyis tshe dang ldan pa shA ri'i bu la legs so zhes bya ba byin te/ shA ri'i bu legs so legs so/ /khyod kyis ji skad bstan pa bzhin du ngas de las dgongs nas bstan pa yin te/ 'di ni legs par gsungs pa'i chos

_{iiif viewer powered by OpenSeadragon}

91a - 92a

Texts on this page