| e-texts navigator |
| བོད་ཡིག |
240b1 yongs su dag pa'i phyir sha'i mig gsal bar gyur pa yin/ mngon par shes pa thob pas lha'i mig dang ldan pa yin/ nyon mongs pa thams cad dang bral bas shes rab kyi mig rtogs par khong du chud pa yin/ sangs rgyas kyi chos ma
240b2 'dres pa sgrub pas sangs rgyas kyi spyan la mos pa yin/ stobs bcu yongs su rdzogs pas chos kyi spyan snang ba thob pa yin te/ rigs kyi bu nga 'dra ba'i ye shes mthong ba yongs su rdzogs pas thams cad mkhyen pa rtogs par nus
240b3 so/ /byang chub sems dpa' mtha' yas dmigs par gnas pas smras pa/ byang chub ni thams cad dmigs pa ste/ thams cad mkhyen pa'i ye shes sgrub par 'gyur ro/ /de ci'i phyir zhe na/ dmigs pa thams cad ni nang na yang
240b4 mi gnas/ phyi rol na yang mi gnas/ dbus na yang mi gnas par brtag par bya'o/ /byang chub sems dpa' dmigs pa la mi gnas pa ni nyon mongs pa la dmigs pa dang / las la dmigs pa dang / bdud la dmigs pas
240b5 nyams par mi 'gyur te/ las dang / nyon mongs pa dang / bdud la dmigs pa las 'das pa'i byang chub sems dpa' thams cad mkhyen pa rtogs so/ /byang chub sems dpa' bdud kyi lta ba yang dag par 'jom pas smras pa/
240b6 rigs kyi bu bdag tu lta ba ni bdag tu lta ba las ldang zhing byung ba yin/ bdud kyi las ni lta ba las ldang zhing byung ba ste/ bdag tu lta ba yongs su shes na lta ba 'byung bar mi byed do/ /lta ba yongs su shes na phung po 'byung bar mi byed do/ /phung po
240b7 yongs su shes na bdud mi mthong ngo / /bdud kyi yul las 'da' bar bya ba'i phyir sgrib pa med pa'i rnam par thar pa la reg par 'gyur ro/ /byang chub sems dpa' sgrib pa med pa'i rnam par thar pa thob na thams cad mkhyen pa rtogs
240b8 so/ /byang chub sems dpa' mya ngan med sbyin gyis smras pa/ las nyes pa byed pa ni phyis 'gyod par 'gyur/ las legs par byed pa ni phyis mya ngan byed par mi 'gyur ro/ /de bas na byang chub sems dpas las legs pa byed pa/
iiif viewer powered by OpenSeadragon
Texts on this page
J159 - 'phags pa ma skyes dgra'i 'gyod pa bsal ba zhes bya ba theg pa chen po'i mdo