rKTs

e-texts navigator

Volume

Page

237a₁ phyag rgyas gdab par bya ba dang / sems can thams cad nam mkha'i rang bzhin gyi phyag rgyas gdab par bya ba ste/ rigs kyi bu de 'dra ba'i gnas la gnas pas ni thams cad mkhyen pa'i ye shes chen po de rtogs par
237a₂ nus so/ /byang chub sems dpa' seng ge'i blo gros kyis smras pa/ kye ma'o grogs po dag 'di ni mi 'jigs pa'i go cha'o/ /'di ni mi skrag pa'i go cha'o/ /'di ni ma zhum pa'i go cha'o/ /'di ni le lo med pa'i go cha'o/ /kye grogs po dag de bas
237a₃ na mi 'jigs pa dang / sems mi skrag pa dang / ma zhum pa dang / le lo med pa dang / 'jigs shing skrag pa skyi bung zhes byed pa dang bral ba dang / 'khor ba'i nyes pa mi skyed pa dang / mya ngan las 'da' ba'i yon tan yang dag par mthong ba dang /
237a₄ bde ba dang sdug bsngal ba'i chos la snyoms par gnas pa dang / mi gnyis pa la gnas pa dang ldan pas thams cad mkhyen pa rtogs par sla'o/ /byang chub sems dpa' seng ge'i 'gros bsgrags dbyangs kyis smras pa/ kye grogs po dag
237a₅ 'gros de ni skyes bu ngan pa'i ma yin gyi/ de ni skyes bu dam pa'i 'gros yin no/ /de ci'i phyir zhe na/ skyes bu dam pa dag ni sdig pa'i lta ba dang bral bas yang dag pa la zhugs pa yin no/ /skyes bu dam pa dag ni rtag par drang ba'i rang bzhin
237a₆ dang ldan pas g.yo med pa yin no/ /skyes bu dam pa dag ni bla ma la rim gro skyed pas nga bcom pa yin no/ /skyes bu dam pa dag ni bstan na 'thun par len pas tshig bzang ba yin no/ /skyes bu dam pa dag ni yang dag pa'i 'tsho ba la gnas pas
237a₇ las kyi mtha' grags pa yin no/ /skyes bu dam pa dag ni skyo ba dang bral bas 'dod chags dang bral ba yin no/ /skyes bu dam pa dag ni khong khro ba dang bral bas zhe sdang dang bral ba yin no/ /skyes bu dam pa dag ni zhi ba rab tu zhi ba nye bar zhi
237a₈ bas mun pa mun nag dang bral ba yin no/ /skyes bu dam pa dag ni sdug bsngal ba dang dbul po la snying rje bar gyur pas 'jam pa rnams yin no/ /skyes bu dam pa dag ni lus dang / ngag dang / yid kyi las kyi mtha' yongs su dag pas

_{iiif viewer powered by OpenSeadragon}

236b - 237b

Texts on this page