rKTs

e-texts navigator

Volume

Page

235a₁ phyag rgya dang / seng ge blo gros dang / seng ge'i 'gros bsgrags dbyangs dang / nam mkha'i mdzod dang / sems bskyed ma thag tu chos kyi 'khor lo sgyur ba dang / tshig gi rab tu tha dad pa thams cad la spobs pa dang /
235a₂ spobs pa'i phung po dang / blo gros rgya mtsho dang / lhun po chen po dang / mthong na dga' ba dang / rab tu dga' ba'i rgyal po dang / mtha' yas mthong ba dang / mtha' yas dmigs par gnas pa dang / bdud kyi lta ba yang dag par
235a₃ 'joms pa dang / mya ngan med sbyin dang / don thams cad grub pa'i byang chub sems dpa' sems dpa' chen po dang / skyes bu dam pa nyi shu rtsa lnga po de dag dang lhan cig tu gnas so/ /dga' ldan gyi ris kyi lha'i bu bzhi yang chos mnyan
235a₄ pa'i phyir 'jam dpal gzhon nur gyur pa'i phyi bzhin du 'brang bar gyur te/ lha'i bu kun nas me tog ces bya ba dang / lha'i bu me tog 'od zer can zhes bya ba dang / lha'i bu me tog man dA ra ba'i dri zhes bya ba dang / lha'i bu chos la gnas
235a₅ par rtag tu brtson pa zhes bya ba de dag dang / lha'i bu mang po gzhan dag kyang 'di lta ste/ chos mnyan pa'i phyir 'jam dpal gzhon nur gyur pa'i phyi bzhin du 'brang bar gyur to/ /'di lta ste/ skyes bu dam pa de dag dang / lha'i bu de dag
235a₆ tshogs shing 'khod pa las bar skabs su kye grogs po dag sangs rgyas kyi ye shes ni rgya che ba/ dpag tu med pa/ tshad med pa/ bsam gyis mi khyab pa/ mnyam pa med pa/ gzhal du med pa/ mi rtogs pa/ mi mnyam pa dang mnyam pa
235a₇ dang / bla na med pa yin te/ de ni go cha dam pa ma yin pas rtogs par mi nus na go ca ji tsam zhig bgos na thams cad mkhyen pa'i ye shes ye shes chen po de rtogs par nus shes de lta bu'i gtam rjod par gyur pa dang / byang chub
235a₈ sems dpa' klu dpal gyis smras pa/ dge ba'i rtsa ba'i tshogs bsags pa bsngo ba la chog mi shes pa'i dge ba'i rtsa ba la gzhog par gnas shing mi brjed pa'i go cha bgos pas ye shes chen po de rtogs par nus so/ /byang chub

_{iiif viewer powered by OpenSeadragon}

234b - 235b

Texts on this page