rKTs

e-texts navigator

Volume

Page

234a₁ bstod na dga' zhing smad na mi dga' ste/ /de la dmigs nas mu stegs lnga rnams 'jug /nga 'am bdag de yod pa ma yin te/ /phung po 'di la brtags nas 'khrul pa yin/ /ming ni bdag ma yin te btags pa tsam/ /
234a₂ lus ni bdag ma yin te sha rus rnams/ /'byung chen 'dus pa phyi rol rtsig pa 'dra/ /sems kyang bdag ma yin te dngos po med/ /chos la bdag med rgyal po mnyan par gyis/ /chos ni gzugs sogs dngos po thams cad yin/ /
234a₃ byed pa med la mtshan nyid 'dzin phyir ro/ /de dag log rtog mtshan mar bcas pa dang / /lta mi mthun pa yin te de med do/ /ci phyir zhe na phyi nang chos 'di la/ /dngos 'di spangs nas stong nyid mi btsal gyi/ /snang ba nyid na stong pa nyid yin
234a₄ phyir/ /gzhig bcom mi rtag tsam la stong ming gdags/ /snang la rang bzhin med par cis mngon na/ /yod med dbus dang gsum du mi gnas te/ /yod par grags pa 'khor ba mya ngan 'das/ /'khor ba'i rang bzhin yul
234a₅ sems rnam gnyis te/ /yul 'di dngos po med par 'di ltar brtag /rang snang rdul bshig rdul yang chas gzhig med/ /dngos snang thams cad sems yin rmi lam bzhin/ /sems kyang kha dog dbyibs sogs rnams dang bral/ /
234a₆ des na 'khor ba stong zhing bdag med do/ /'khor ba med pas mya ngan 'das pa'ang med/ /yid pa ma grub pas na med pa 'ang med/ /mtha' gnyis med phyir dbus kyang med pa yin/ /de ltar rgyal pos bdag med sgom byas na/ /bdag
234a₇ 'dzin 'khor ba rtsad nas chod par 'gyur/ /rgyal pos gsol pa/ snga gong yan chad dgra ma yin pa la dgrar bzung ste bdag zhe sdang gis mnar bar gyur to/ /da ni bdag gis yang dag pa'i dgra ngo shes pas dgra de dang 'thab pa'i phyir
234a₈ bdag med pa la mos par gyur lags so/ /bcom ldan 'das kyis bka' stsal pa/ rgyal po chen po legs so/ /bdag tu 'dzin pa'i dgra pham par byas so/ /bcom ldan 'das kyis de skad ces bka' stsal pa dang /

_{iiif viewer powered by OpenSeadragon}

233b - 234b

Texts on this page