| e-texts navigator |
| བོད་ཡིག |
232b1 tshogs kyis cho nge 'debs byed kyang / /de la nyan lta bsam pa'i yul med de/ /gnad gcod pa ni mtshon chas gtub pa 'dra/ /mdza' dang mi mdza'i don du sngar byas pa'i/ /dge sdig las ni rmi lam yul bzhin snang / /
232b2 gshin rje'i pho nya shin du 'jigs pas bskor/ /bred sha thon nas kun du bltas byas kyang / /mgon skyabs byed pa su yang ma mthong nas/ /shin du 'jigs bzhin kun du yi mug ste/ /bdag nyid gar 'gro rdol med bar do
232b3 'byung / /mi rtag sdug bsngal mi zad yun ring 'di/ /thog ma med nas da lta'i bar du yang / /'phags lam ma thob bar du rtag tu gdung / /rgyal pos gsol pa/ bcom ldan 'das 'khor ba 'di shin du sdug bsngal ba
232b4 lags na bde legs dang ldan pa gang lags/ bcom ldan 'das kyis bka' stsal pa/ mya ngan las 'das pa ni bde legs phun sum tshogs pa yin no/ /rgyal pos gsol pa/ ji ltar bde legs phun sum tshogs pa lags/
232b5 bcom ldan 'das kyis bka' stsal pa/ mya ngan 'das pa zhi ba bde ba'i mchog /rnam rtog bdag tu 'dzin dang nyon mongs med/ /ngan song gsum sogs bkres skom grang dro dang / /skye rga na 'chi la sogs sdug bsngal med/ /'khor
232b6 ba mi rtag sdug bsngal gtan zad nas/ /las su gzhan don 'ba' zhig spyod byed cing / /mthu dang rdzu 'phrul bsam gyis mi khyab bo/ /de skad ces bka' stsal pa dang / rgyal po gzugs can snying po 'khor ba las yid byung nas rgyal srid
232b7 mchil ma'i thal ba ltar bor te/ mya ngan las 'das pa bsgrub pa la gzhol bar gyur to/ /de ltar gyur pa la bcom ldan 'das kyis bka' stsal pa/ rgyal po chen po legs so legs so/ /rjes thams cad kyi nang na glang po che'i rjes
232b8 mchog go/ /me tog rnams kyi nang na pad ma dkar po mchog go/ /'du shes thams cad kyi nang na mi rtag pa'i 'du shes mchog go/ /bsam pa rnams kyi nang na 'khor ba las yid byung ba mchog go/ /rgyal po chen po 'khor ba las yid
iiif viewer powered by OpenSeadragon
Texts on this page
J157 - rgyal po la gdams pa zhes bya ba theg pa chen po'i mdo