| e-texts navigator |
| བོད་ཡིག |
230b1 pa de bzhin no/ /gzhan yang dbyar drod skye la dgun grang skam/ /lo legs lo nyes than zhod nges pa med/ /lo zla 'das shing 'jig pa'i dus dang nye/ /de la sogs te mi rtag mngon sum ni/ /rtag pa yin na ci phyir 'gyur
230b2 zhing 'gro/ /rgyal pos gsol pa/ bcud kyi sems can ji ltar mi rtag pa lags/ bcom ldan 'das kyis bka' stsal pa/ bcud kyi sems can tshe 'di nyid la yang / /nyin zhag lo zla rim gyis gcod byed pas/ /nyin zhag
230b3 'das shing 'chi dang phar phar nye/ /mi shir 'dod kyang rang la rang dbang med/ /skye rga na 'chi rang thag ri mo 'dra/ /'chi bdag bdud ni so bya nya sdod 'dra/ /'chi ba'i rkyen ni bsam gyis mi khyab ste/ /'chi rkyen ma song dngos po
230b4 gang yang med/ /lus 'di zas kyis 'tsho yang brnangs nas 'chi/ /'jig rten 'di na che chung phyug dbul kun/ /'chi bdag dbang du mi 'gyur gang yang med/ /snga ma shi ba'i mi rnams kun gyis kyang / /rtag tu re nas bu dang
230b5 nor bsags kyang / /bu nor phyir lus bdag la phan pa med/ /rang gi dge sdig gnyis dang 'grogs te 'chi/ /da ltar rang gi gnas pa'i ring 'di la 'ang / /dga' bshes gnyen 'dun mdza' dang mi mdza' dang / /na tshod
230b6 'thun dang rgan gzhon ji snyed cig / shi ba mthong zhing thos pa ma yin nam/ /sa steng gnas pa'i sems can 'di kun yang / /lo brgya tshun chad sdod kyang ma lus 'chi/ /de bas rang re'ang 'chi ba'i chos can yin/ /
230b7 deng 'chi sang 'chi sus kyang mi shes te/ /tshod 'dzin pa yang mi 'jigs sbyin med pas/ /sang phod deng sang bdag nyid ji ltar 'gyur/ /'chi ba'i tshe na pha ma bu tsha dang / /phu nu mdza' bshes bran khol nor
230b8 kun kyang / /bdag nyid 'chi ba'i phyi na 'ong med pas/ /sdug bsngal skal len 'ga' yang yod ma yin/ /de bas skyes kyang bdag nyid gcig pu skyes/ /tha ma 'chi yang bdag nyid gcig pu 'chi/ /
iiif viewer powered by OpenSeadragon
Texts on this page
J157 - rgyal po la gdams pa zhes bya ba theg pa chen po'i mdo