| e-texts navigator |
| བོད་ཡིག |
230a1 nyid du dregs par gyur to/ /de nas rgyal po gzugs can snying po'i pho brang gi sgor gdan bshams pa la bcom ldan 'das 'khor dang bcas pa bzhugs so/ /de ltar bzhugs par shes nas rgyal pos gyad
230a2 chen po'i 'degs pa zhes bya ba rbad de rdo shin du che ba bcom ldan 'das la 'phangs so/ /rdo de nam mkha' la lding zhing de las sgra 'di skad ces grag go/ /kye ma 'dus byas rtag pa med/ /skye zhing 'gog pa'i chos can yin/ /
230a3 skye ba yod na 'chi ba yod/ /'du ba yod na 'bral ba yod/ /bsags pa yod na 'dzad pa yod/ /lang tsho'i mdog kyang nad kyis 'phrog /'tsho ba'i tshe yang 'chi bas 'phrog /chags par gyur na sdug bsngal 'phel/ /skyo bar
230a4 byas na thar bar 'gyur/ /zhes pa de rgyal po gzugs can snying pos thos pas mos par gyur te thad du song nas thal mo sbyar te 'khod pa la bcom ldan 'das kyis bka' stsal pa/ rgyal po chen po chos la mos par bya/
230a5 khong du chud par bya/ bsgo bar bya yid 'byung bar bya'o/ /rgyal pos gsol pa/ bcom ldan 'das gang la skyo bar bgyi/ yid 'byung bar bgyi/ bcom ldan 'das kyis bka' stsal pa/ 'khor ba las skyo zhing yid 'byung bar bya'o/ /
230a6 rgyal pos gsol pa/ ci'i phyir 'khor ba las skyo zhing yid 'byung bar bgyi/ bcom ldan 'das kyis bka' stsal pa/ 'khor ba 'di mi rtag pa dang / sdug bsngal ba'i phyir ro/ /rgyal pos gsol pa/ bcom ldan 'das
230a7 'khor ba 'di ji skad mi rtag pa lags/ bcom ldan 'das kyis bka' stsal pa/ snod kyi 'jig rten 'di yang mi rtag la/ bcud kyi sems can yang mi rtag go/ /rgyal pos gsol pa/ snod kyi 'jig rten ji ltar mi
230a8 rtag pa lags/ bcom ldan 'das kyis bka' stsal pa/ snod kyi 'jig rten ri rab gling khams kyang / /'jig pa'i dus tshe bskal pa'i me byung nas/ /thal ba'i lhag ma tsam yang ma lus so/ /chu dang rlung gis 'jig
iiif viewer powered by OpenSeadragon
Texts on this page
J157 - rgyal po la gdams pa zhes bya ba theg pa chen po'i mdo