rKTs

e-texts navigator

Volume

Page

134b₁ mngon par 'grub par 'gyur ro/ /de bzhin du me tog yod na 'bras bu'i bar du yang mngon par 'grub par 'gyur te/ myu gu de yang bdag gis ma byas/ gzhan gyis ma byas/ gnyi gas ma byas/ dbang phyug gis ma byas/ dus
134b₂ kyis ma bsgyur/ rang bzhin las ma byung / rgyu med pa las kyang ma skyes te/ 'on kyang sa dang / chu dang / me dang / rlung dang / nam mkha' dang / dus kyi khams rnams 'dus nas sa bon 'gags pa na myu gu mngon par 'grub
134b₃ par 'gyur te/ de ltar phyi rol gyis rten cing 'brel par 'byung ba rkyen dang 'brel par blta'o/ /de la phyi rol gyi rten cing 'brel par 'byung ba rnam pa lngar blta ste/ lnga gang zhe na/ rtag par ma yin pa dang / chad par ma yin
134b₄ pa dang / 'pho bar ma yin pa dang / rgyu chung ngu las 'bras bu chen po mngon par 'grub pa dang / de dang 'dra ba'i rgyud du'o/ /ji ltar rtag par ma yin zhe na/ gang gi phyir myu gu yang gzhan la sa bon yang gzhan te/ myu gu gang
134b₅ yin pa de nyid sa bon ma yin la/ sa bon 'gags pa las myu gu 'byung ba ma yin/ ma 'gags pa las kyang ma yin gyi/ sa bon yang 'gags la de nyid kyi tshe myu gu yang 'byung ste/ de'i phyir rtag par ma yin no/ /ji ltar
134b₆ chad par ma yin zhe na/ sngon 'gags pa'i sa bon las myu gu skye ba ma yin/ ma 'gags pa las kyang ma yin gyi/ sa bon yang 'gags la de nyid kyi tshe srang mda'i mtho dma' bzhin du myu gu skye bas de'i phyir chad par ma
134b₇ yin no/ /ji ltar 'pho bar ma yin zhe na/ gang gi phyir myu gu yang gzhan la sa bon yang gzhan/ myu gu gang yin pa de nyid sa bon ma yin te/ de'i phyir 'pho bar ma yin no/ /ji ltar rgyu chung ngu las 'bras bu chen po mngon
134b₈ par 'grub ce na/ sa bon chung ngu btab pa las 'bras bu chen po mngon par 'grub par 'gyur te/ de'i phyir rgyu chung ngu las 'bras bu chen po mngon par 'grub po/ /sa bon ji lta bu btab pa de lta bu'i 'bras bu mngon

_{iiif viewer powered by OpenSeadragon}

134a - 135a

Texts on this page