| e-texts navigator |
| བོད་ཡིག |
133a1 'dzin to/ /'di ni 'phags pa'i lam yan lag brgyad pa zhes bya ste/ 'bras bu thob pa dang mya ngan las 'das pa gcig tu bsdus te/ bcom ldan 'das kyis chos so zhes bka' stsal to/ /de la sangs rgyas
133a2 bcom ldan 'das gang zhe na/ sus chos thams cad thugs su chud pa'i phyir sangs rgyas shes bya ste/ des 'phags pa'i shes rab kyi spyan dang / chos kyi sku dang ldan pa dang / slob pa dang mi slob pa'i chos de dag gzigs pa'o/ /
133a3 de la rten cing 'brel par 'byung ba mthong ba ji lta bu zhe na/ 'di la bcom ldan 'das kyis sus rten cing 'brel par 'byung ba rtag pa dang / srog med pa dang / srog dang bral ba dang / ji lta bu nyid dang / ma nor ba dang / ma skyes pa dang /
133a4 ma byung ba dang / ma byas pa dang / 'dus ma byas pa dang / thogs pa med pa dang / dmigs pa med pa dang / zhi ba dang / 'jigs pa med pa dang / mi 'phrogs pa dang / rnam par zhi ba ma yin pa'i rang bzhin du mthong ba ste/
133a5 gang gis tshul 'di 'dra bar chos la'ang rtag pa dang / srog med pa dang / srog dang bral ba dang / ji lta bu nyid dang / ma nor ba dang / ma skyes pa dang / ma byung ba dang / ma byas pa dang / 'dus ma byas pa dang / thogs pa med pa
133a6 dang / dmigs pa med pa dang / zhi ba dang / 'jigs pa med pa dang / mi 'phrogs pa dang / rnam par zhi ba ma yin pa'i rang bzhin du mthong ba des 'phags pa'i chos mngon par rtogs te/ yang dag pa'i ye shes dang ldan pas
133a7 bla na med pa'i chos kyi skur sangs rgyas mthong ngo zhes gsungs so/ /smras pa/ ci'i phyir rten cing 'brel par 'byung ba zhes bya/ smras pa rgyu dang bcas rkyen dang bcas pa la bya'i/ rgyu med rkyen med pa la ni ma yin te/ de'i
133a8 phyir rten cing 'brel par 'byung ba zhes bya'o/ /de la bcom ldan 'das kyis rten cing 'brel par 'byung ba'i mtshan nyid mdor bsdus te bka' stsal pa rkyen 'di nyid kyi 'bras bu ste/ de bzhin gshegs pa rnams byung yang rung / ma byung
iiif viewer powered by OpenSeadragon
Texts on this page
J153 - 'phags pa sA lu'i ljang ba zhes bya ba theg pa chen po'i mdo