| e-texts navigator |
| བོད་ཡིག |
132a1 rgyal po'i khab bya rgod phung po'i ri la dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu mang po dang thabs gcig tu bzhugs te/
132a2 de'i tshe na tshe dang ldan pa shA ri'i bu byang chub sems dpa' sems dpa' chen po byams pa'i bgrod par bya ba'i sa phyogs ga la ba der song ste phyin nas phan tshun yang dag par dga' bar bya ba'i gtam rnam pa mang po byas
132a3 nas 'dus te gnyis ka rdo leb la 'khod do/ /de nas tshe dang ldan pa shA ri'i bus byang chub sems dpa' sems dpa' chen po byams pa la 'di skad ces smras so/ /byams pa deng 'dir bcom ldan 'das kyis sA lu'i
132a4 ljang pa la gzigs nas dge slong rnams la mdo 'di gsungs so/ /dge slong dag sus rten cing 'brel par 'byung ba mthong ba des chos mthong ngo / /sus chos mthong ba des sangs rgyas mthong ngo zhes de skad
132a5 bka' stsal nas/ bcom ldan 'das cang mi gsung bar gyur na byams pa bde bar gshegs pas bka' stsal pa'i mdo de'i don ni ci/ dge slong dag sus rten cing 'brel par 'byung ba ni gang / chos ni gang /
132a6 sangs rgyas ni gang / ji ltar rten cing 'brel par 'byung ba mthong na chos mthong / ji ltar chos mthong na sangs rgyas mthong / de skad ces smras pa dang / byang chub sems dpa' sems dpa' chen po byams pas
132a7 tshe dang ldan pa sha ra dwa ti'i bu la 'di skad ces smras so/ /btsun pa shA ri'i bu 'di la bcom ldan 'das chos kyi bdag po thams cad mkhyen pas dge slong dag sus rten cing 'brel par 'byung ba mthong ba des chos
132a8 mthong ngo / /sus chos mthong ba des sangs rgyas mthong ngo zhes gsungs pa de la rten cing 'brel par 'byung ba gang zhe na/ rten cing 'brel par 'byung ba zhes bya ba ni 'di lta ste/ 'di yod pas 'di 'byung la/ 'di
iiif viewer powered by OpenSeadragon
Texts on this page
J153 - 'phags pa sA lu'i ljang ba zhes bya ba theg pa chen po'i mdo