| e-texts navigator |
| བོད་ཡིག |
334b1 sems can rnams la de bstan pa/ /'di ni 'jig rten 'thun 'jug yin/ /don dang don min mi gzigs la/ /'gog pa dang ni dam pa'i don/ /smra ba rnams kyis mchog gsung ba/ /'di ni 'jig rten 'thun 'jug
334b2 yin/ /dngos po med pa gsal ba'i dngos/ /rnyog ma med pa'i rab ston kyang / /chos rnams chud za med ces pa/ /'di ni 'jig rten 'thun 'jug yin/ /chos rnams thams cad brjod med par/ /
334b3 de bzhin gshegs pas rab mkhyen kyang / /brjod pa dag ni ston mdzad pa/ /'di ni 'jig rten 'thun 'jug yin/ /sangs rgyas mkhyen pa chags mi mnga'/ /dus rnams kun du
334b4 mnyam bzhag kyang / /dbang po rnams ni sbed mdzad pa/ /'di ni 'jig rten 'thun 'jug yin/ /de bzhin gshegs pa rdo rje'i sku/ /sangs rgyas cung zad mi bsnyun yang / /dge
334b5 slong byang chub yan lag smras/ /'di ni 'jig rten 'thun 'jug yin/ /sdig pa thams cad yongs zad de/ /bsod nams kun gyis mngon 'phags kyang / /las kyi rgyud ni ston mdzad pa/ /'di ni
334b6 'jig rten 'thun 'jug yin/ /skyobs pa sangs rgyas dus gsum la/ /mthar thug 'gyur ba yod min yang / /mtshams gcod pa yang ston mdzad pa/ /'di ni 'jig rten 'thun
334b7 'jug yin/ /de bzhin gshegs pa chos sku ste/ /gcig ci 'dra bar de bzhin kun/ /'on kyang tha dad ston mdzad pa/ /'di ni 'jig rten 'thun 'jug yin/ /sangs
334b8 rgyas rang sangs rgyas rnams dang / /nyan thos so so'i skye bo dang / /'khor ba dang ni mya ngan 'das/ /tshig gi lam gyis rab tu phye/ /sangs rgyas ye shes mtha' yas te/ /
iiif viewer powered by OpenSeadragon
Texts on this page
J143 - 'phags pa 'jig rten kyi rjes su 'thun par 'jug pa zhes bya ba theg pa chen po'i mdo