| e-texts navigator |
| བོད་ཡིག |
332b1 rgyal ba rnams ni mkha' 'dra ste/ /chos rnams kun la mi gnas kyang / /ldang ba ltar yang snang ba ni/ /'di ni 'jig rten 'thun 'jug yin/ /zhabs ni pad ma'i 'dab 'dra ste/ /de dag rdul gyis mi gos la/ /
332b2 zhabs kyang 'khru ba mdzad pa ni/ /'di ni 'jig rten 'thun 'jug yin/ /de dag dri ma mi mnga' ste/ /sku ni gser gyi mdog 'dra yang / /rdzogs pa'i sangs rgyas khrus mdzad pa/ /'di ni 'jig rten 'thun
332b3 'jug yin/ /zhal ni pad ma'i dri ldan zhing / /tshems ni dri med mu tig 'dra/ /'on kyang tshems shing gsol mdzad pa/ /'di ni 'jig rten 'thun 'jug yin/ /de dag bsgrim pa mi mnga' yang / /de dag
332b4 zhal zas gsol mdzad cing / /sbyin pa po la 'bras bu che/ /'di ni 'jig rten 'thun 'jug yin/ /sku mkhregs rdo rje 'dra ba'i phyir/ /zag pa dag ni mi mnga' yang / /bshang ba'i sar ni gshegs mdzad pa/ /
332b5 'di ni 'jig rten 'thun 'jug yin/ /de dag snyun ni mi mnga' yang / /dge 'dun bsdu ba mdzad pa'i phyir/ /sman kyang bstan par mdzad pa ni/ /'di ni 'jig rten 'thun 'jug yin/ /sangs rgyas yon tan kun
332b6 ldan te/ /sku la 'gyur ba mi mnga' yang / /de dag rga ba ston mdzad pa/ /'di ni 'jig rten 'thun 'jug yin/ /'jig rten khams ni dpag tu med/ /zhabs kyi mthe bos g.yo mdzad la/ /'on kyang
332b7 nyam chung ston mdzad pa/ /'di ni 'jig rten 'thun 'jug yin/ /yid kyi sku dang rab ldan pas/ /de bzhin gshegs pa chos sku yang / /rnag can sku ni ston mdzad pa/ /'di ni 'jig rten 'thun 'jug
332b8 yin/ /sangs rgyas rnam rtog mi mnga' yang / /sems can spyod yul ji bzhin du/ /de dag spyod pa rnam par rtog /'di ni 'jig rten 'thun 'jug yin/ /de dag rtag tu mnyam bzhag la/ /'greng dang bzhugs
iiif viewer powered by OpenSeadragon
Texts on this page
J143 - 'phags pa 'jig rten kyi rjes su 'thun par 'jug pa zhes bya ba theg pa chen po'i mdo