| e-texts navigator |
| བོད་ཡིག |
282a1 la de'i don thams cad kyang 'grub par 'gyur ro/ /bcom ldan 'das kyis de skad ces bka' stsal nas/ byang chub sems dpa' 'jigs pa med pa spyan ras gzigs dbang phyug dang / lha mo chen mo dpal de dang /
282a2 'khor de dag thams cad dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa lha mo chen mo dpal lung bstan pa
282a3 rdzogs so/ / // @#/ /rgya gar skad du/ Ar+ya dza ya ma ti nA ma ma ha yA na sU tra/ bod skad du/ 'phags pa rgyal ba'i blo gros zhes bya ba theg pa chen po'i mdo/ sangs rgyas dang / byang chub sems dpa' tham
282a4 sa cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong gi dge 'dun chen po dang / byang chub
282a5 sems dpa' rab tu mang po dag dang thabs gcig tu bzhugs so/ /de nas bcom ldan 'das kyis byang chub sems dpa' rgyal ba'i blo gros la bka' stsal pa/ rgyal ba'i blo gros rigs kyi bu 'am/ rigs kyi bu mo bsod nams
282a6 'dod pas de bzhin gshegs pa la mchod par bya'o/ /shes rab 'dod pas thos pa la brtson par bya'o/ /mtho ris 'dod pas tshul khrims bsrungs bar bya'o/ /longs spyod 'dod pas gtong ba sbel bar bya'o/ /gzugs bzang
282a7 ba 'dod pas bzod pa bsgom par bya'o/ /spobs pa 'dod pas bla ma la gus par bya'o/ /gzungs 'dod pas mngon pa'i nga rgyal med par bya'o/ /ye shes 'dod pas tshul bzhin yid la byed pa la gnas par bya'o/ /thar pa 'dod pas
282a8 sdig pa thams cad spang bar bya'o/ /sems can thams cad bde bar bya bar 'dod pas byang chub tu sems bskyed par bya'o/ /skad snyan pa 'dod pas bden par smra bar bya'o/ /yon tan 'dod pas rab tu dben pa la dga' bar bya'o/ /
iiif viewer powered by OpenSeadragon
Texts on this page
J137 - 'phags pa lha mo chen mo dpal lung bstan pa
J138 - 'phags pa rgyal ba'i blo gros zhes bya ba theg pa chen po'i mdo