rKTs

e-texts navigator

Volume

Page

277b₁ byas so/ /de nas bcom ldan 'das stsang sder ni gyur phyag ni bcabs nas rgyal po'i btsun mo bde ldan ma la chos kyi gtam rgyas pas yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga'
277b₂ bar mdzad nas lung bstan te/ bde ldan ma khyod ma 'ongs pa'i dus bskal pa du ma zhig na de bzhin gshegs pa dgra bcom pa yang dag par rdzogs pa'i sangs rgyas lha dang mi rnams kyi ston pa/ sangs rgyas bcom ldan 'das
277b₃ yon tan rin chen dpal zhes bya bar 'gyur ro/ /khyod kyi sangs rgyas kyi zhing yang mchog tu yongs su dag par 'gyur te/ ngan song ngan 'gro log par ltung ba'i sdug bsngal med pa yid du 'ong ba yid dang 'thad pa mchog
277b₄ tu rnam par dag pa'i byang chub sems dpa' rnams kyi gnas yin te/ khyod kyi sangs rgyas kyi zhing de ni de lta bur 'gyur ro/ /chos kyi rnam grangs 'di bshad pa na dge bsnyen ma stong phrag mang po zhig gis ni bla na med pa yang
277b₅ dag par rdzogs pa'i byang chub tu sems bskyed do/ /srog chags stong phrag mang po dang / lha dang mi'i skye dgu rnams kyis ni chos kyi snang ba thob par gyur to/ /bcom ldan 'das kyis de skad ces bka' stsal nas/ rgyal po'i btsun mo bde ldan ma dang /
277b₆ 'khor de dag dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do/ /'phags pa bde ldan ma lung bstan pa zhes bya ba theg pa chen po'i mdo rdzogs so// //
277b₇ @#/ /rgya gar skad du/ Ar+ya shrI ya ma hA de bi byA ka ra Na/ bod skad du/ 'phags pa lha mo chen po dpal lung bstan pa/ sangs rgyas dang / byang chub sems dpa' thams cad la phyag 'tshal lo/ /
277b₈ 'di skad bdag gis thos pa dus cig na/ bcom ldan 'das bde ba can na byang chub sems dpa'i dge 'dun chen po 'di lta ste/ byang chub sems dpa' sems dpa' chen po 'phags pa spyan ras gzigs dbang phyug dang / byang chub sems dpa'

_{iiif viewer powered by OpenSeadragon}

277a - 278a

Texts on this page