| e-texts navigator |
| བོད་ཡིག |
9b1 sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas par 'gyur ro/ /bzhi gang zhe na/ bla na med pa yang
9b2 dag par rdzogs pa'i byang chub la bsnyen par bya ba dang / byang chub kyi phyogs kyi chos rnams myur du yongs su rdzogs par bya ba dang / chos rnams kyi thabs la shin tu mkhas pas/ gzhan gyi drin la mi 'jog par bya ba dang / ye shes
9b3 dang shes rab thams cad la shin tu mkhas par bya ba'o/ /'jig rten 'dzin 'di dag ni don rnam pa bzhi mthong ba'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan
9b4 tan byed pa dang / chos rnams kyi mtshan nyid rnam par 'byed pa la shin tu mkhas pa yin no/ /'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams chos rnams kyi
9b5 yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas par 'gyur ro/ /bzhi gang zhe na/ sems can la phan pa dang / bde ba'i phyir sems la ser sna'i/
9b6 dri ma med pa dang / rtag tu tshul khrims rnam par dag pa dang / brtson 'grus kyi pha rol tu phyin pa la bde bar gnas pas brtson 'grus spyod pa la bar chad med pa dang / yang dag par yid la byed pas shes rab kyi pha rol tu
9b7 phyin pa la shin tu nan tan byed pa dang bzhi'o/ /'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan tan
9b8 byed pa dang / chos rnams kyi mtshan nyid rnam par 'byed pa la shin tu mkhas par 'gyur ro/ /bzhi gang zhe na/ smon lam phun sum tshogs pa shin tu dag pa dang ldan pa dang / spyod pa'i nan tan phun sum tshogs pa rnam par dag
iiif viewer powered by OpenSeadragon
Texts on this page
J118 - 'phags pa 'jig rten 'dzin gyis yongs su dris pa zhes bya ba'i mdo