rKTs

e-texts navigator

Volume

Page

8b₁ byang chub sems dpa' 'jig rten 'dzin la 'di skad ces bka' stsal to/ /legs so legs so/ /'jig rten 'dzin de ltar khyod kyis byang chub sems dpa' sems dpa' chen po rnams kyi phyir/ de bzhin gshegs pa la don de dag dris
8b₂ pa ni legs so/ /khyod skye bo mang po la phan pa dang bde ba'i phyir/ 'jig rten la snying brtse ba'i phyir/ lha dang bcas pa'i 'jig rten la phan pa dang bde ba'i don gyi phyir/ gzhan yang da ltar gyi dus dang / ma 'ongs pa'i dus kyi byang chub sems
8b₃ dpa' la sogs pa la 'od chen pos snang bar bya ba'i phyir dri ba dris pa'i bsod nams ni dpag tu med do/ /khyod kyis de bzhin gshegs pa la don 'di dag dris pa ni nges par sems can thams cad kyi the tshom yongs su gcad pa'i phyir/
8b₄ sems can thams cad 'od kyis snang bar bya ba dang / bsrung bar bya ba'i phyir/ sems can dag la phan pa'i don bstan pa'i phyir/ skye bo dag gi yang za ba'i lam las bsgral bar bya ba'i phyir/ skye bo mang po'i rten dang / gnas dang /
8b₅ mgon dang / skyabs bya ba'i phyir/ ngan song gsum las gdon cing dbyung ba'i phyir/ sems can dag bla na med pa'i lam la bzud pa'i phyir/ skye bo mang po dag skye ba dang / rga ba dang / na ba dang / 'chi ba dang / slos pa'i mya ngan dang / smre sngags 'don pa
8b₆ dang / sdug bsngal ba dang / 'khrug pa las rnam par grol ba'i phyir/ sems can la bla na med pa'i mya ngan las 'das pa'i bde ba sbyin pa'i phyir/ phyi ma ma 'ongs pa'i dus na dam pa'i chos bsrung zhing bskyab pa'i phyir phyi ma ma 'ongs pa
8b₇ 'jigs pa'i dus ngan pa'i sems can dag sgral ba'i phyir/ de bzhin bshegs pa la dri bar sems pa legs so/ /de lta bas na 'jig rten 'dzin khyod legs par nyon la rab tu yid la zung shing dang / rnam par phye ste bshad par bya'o/ /
8b₈ bcom ldan 'das de ltar bgyi'o zhes gsol nas byang chub sems dpa' 'jig rten 'dzin bcom ldan 'das la phyir nyan to/ /bcom ldan 'das kyis de la 'di skad ces bka' stsal to skyes bu dam pa de la 'di skad ces bya ste/ phan

_{iiif viewer powered by OpenSeadragon}

8a - 9a

Texts on this page