rKTs

e-texts navigator

Volume

Page

17b₁ sems ma skyes te/ sems can dag la khyab par snying rje chen po kun la skyes so/ /rigs kyi bu dag de ltar ngas brtson 'grus chen po dang / thabs mkhas pa chen po'i stobs kyi sems can gyi don byas nas bla na med pa yang dag par
17b₂ rdzogs pa'i byang chub kyi tshogs bsags par rig par bya'o/ /de bas na rigs kyi bu dag de ltar mos pa dang / brtson 'grus dang / bag byed pa la nan tan byas te bla na med pa yang dag par rdzogs pa'i byang chub kyi tshogs
17b₃ bsags par byas so/ /ngas ji ltar byang chub sems dpa'i spyod pa spyad pa ltar khyod kyis kyang de ltar nga dang 'dra bar sems can la phan pa dang bde ba'i don gyis shig /rigs kyi bu dag bskal pa bzang po'i sangs rgyas bcom
17b₄ ldan 'das mngon par gshegs pa de dag thams cad 'di skad mi ston pa gang yang med do/ /'di lta ste/ 'di ltar bcom ldan 'das shAkya thub pa shin tu brtson 'grus brtsams so/ /'di ltar bcom ldan 'das shAkya thub pa brtson
17b₅ 'grus phun sum tshogs so/ /'di ltar bcom ldan 'das shAkya thub pa brtson 'grus kyi pha rol tu phyin pa dang ldan no/ /'di ltar bcom ldan 'das shAkya thub pa byang chub sems dpa'i spyad pa spyod pa na sems can gyi don
17b₆ byas te/ 'di ltar rnyog pa'i 'jig rten ngan par byung nas/ sems can tshad med grangs med pa la phan pa dang bde ba'i don byas so zhes gsung ngo / /rigs kyi bu dag gang de ltar byang chub kyi spyad pa spyod par 'dod pa dag mos pa dang /
17b₇ brtson 'grus dang / bag byed pa la brtson par bya'o/ /rigs kyi bu dag ngas bla na med pa yang dag par rdzogs pa'i byang chub tu mngon par sangs rgyas kyang brtson 'grus brtsom pa la ma nyams te/ yongs su mya ngan las 'das
17b₈ pa'i bar tu yang brtson 'grus bskyed nas sku gdung yungs kar gyi 'bras bu tsam du phra mor gsel te sku'i yan lag kyang rnam par gses so/ /de ci'i phyir zhe na/ de yang phyi ma ma 'ongs pa'i sems can rnams la byams shing

_{iiif viewer powered by OpenSeadragon}

17a - 18a

Texts on this page