| e-texts navigator |
| བོད་ཡིག |
11a1 ldan pa'i byang chub sems dpa' sems dpa' chen po rnams dran pa'i mthu thob par 'gyur ro/ /bzhi gang zhe na/ tshul khrims rnam par dag pa la gnas pa dang / spyod lam rnam par dag pa dang ldan pa dang /
11a2 spyod pa'i gnas kun tu sems kyi sgrib pa lnga yongs su bsal te 'jig rten kyi chos la mi chags pa dang / las kyi sgrib pa dang nyon mongs pa'i sgrib pa yongs su spangs pa dang bzhi'o/ /'jig rten 'dzin gzhan yang
11a3 chos rnam pa bzhi ga dang ldan pa'i byang chub sems dpa' sems dpa' chen po rnams dran pa'i mthu thob par 'gyur ro/ /bzhi gang zhe na/ mi 'khrugs pa'i sems kyis dge ba'i chos tshol ba dang sems kyi mtshan
11a4 nyid gcig la goms par bsgoms pa dang / chos rnams kyi rnam grangs la yang dag par 'jug cing shin tu mkhas pa dang / 'du 'dzi la mi mos pas khyim na gnas pa dang rab tu byung ba'i gang zag spong ba dang bzhi'o/ /
11a5 'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams dran pa'i mthu thob par 'gyur ro/ /bzhi gang zhe na/ dge ba'i bshes gnyen la bsten pa dang / rtag tu chos
11a6 zab mo la nan tan byed pa dang / rtag tu sangs rgyas dang byang chub sems dpa'i gan du 'gro ba la dga' ba dang / gsol ba dang zhu ba la dga' zhing shes rab sgom pa la mos pa'o/ /'di dag ni chos rnam pa 'di bzhi dang ldan pa'i
11a7 byang chub sems dpa' sems dpa' chen po rnams dran pa'i mthu thob pa yin no/ /'jig rten 'dzin gzhan yang chos rnam pa bzhi dang ldan pa'i byang chub sems dpa' sems dpa' chen po rnams chos thams cad kyi
11a8 rnam grangs rnam par 'byed pa la mkhas shing shes rab la nan tan byed par 'gyur ro/ /bzhi gang zhe na/ chos thams cad kyi yang dag pa'i mtshan nyid la shin tu mkhas pa dang / chos thams cad kyi rgyur gyur pa rnam par
iiif viewer powered by OpenSeadragon
Texts on this page
J118 - 'phags pa 'jig rten 'dzin gyis yongs su dris pa zhes bya ba'i mdo