rKTs

e-texts navigator

Volume

Page

199a₁ 'phrul pa'i rgyal po de la byang chub sems dpa' shes pa'i rnam par 'phrul par byed par 'dod pas ye shes kyis byas pa'i bya ba rnams bya'i nga rgyal gyis byas pa rnams ni mi bya'o/ /nga rgyal gyi las gang zhe na/ ci tsam du yid rgyu ba
199a₂ de tsam du nga rgyal gyi las so/ /ci tsam du rnam par shes pa rgyu ba de tsam du nga rgyal gyi las so/ /ci tsam du sems rgyu ba de tsam du nga rgyal gyi las so/ /ci tsam du dge ba'i rtsa ba mngon par 'du byed pa la mngon par zhen pa de tsam du nga rgyal
199a₃ gyi las so/ /ci tsam du lta bar ltung ba'i sbyin pa de tsam du nga rgyal gyi las so/ /ci tsam du 'du shes su ltung ba'i tshul khrims su gyur pa de tsam du nga rgyal gyis las so/ /ji tsam du bdag dang gzhan la gnas pa'i bzod par gyur pa de tsam du nga
199a₄ rgyal gyis las so/ /ji tsam du lus dang sems la dmigs pa'i brtson 'grus su gyur pa de tsam du nga rgyal gyi las so/ /ji tsam du rtog pa dang / rnam par rtog pa dang / yongs su rtog pa'i bsam gtan du gyur pa de tsam du nga rgyal gyi las so/ /
199a₅ ji tsam du bdag dang bdag gir byed pas bskyed pa'i shes rab tu gyur pa de tsam du nga rgyal gyi las so/ /bdag ni byang chub sems dpa'o snyam pa de ni nga rgyal gyi las so/ /bdag ni byang chub tu zhugs so snyam pa de ni nga rgyal gyi las so/ /bdag ni
199a₆ sangs rgyas dang / chos dang / dge 'dun gyi tshul mi gcod dang / /snyam pa de ni nga rgyal gyi las so/ /bdag ni sems can gyi don la yang dag par zhugs so snyam pa de ni nga rgyal gyi las so/ /bdag gis sems can ma rgal ba bsgral lo snyam pa dang /
199a₇ ma grol ba dgrol lo snyam pa dang / dbugs ma phyin pa dbugs dbyung ngo snyam pa dang / yongs su mya ngan las ma 'das pa yongs su mya ngan las bzla'o/ /snyam pa de ni nga rgyal gyi las so/ /bdag ni sbyin pa'i bdag po'o/ /bdag ni
199a₈ tshul khrims dang / bzod pa dang / brtson 'grus dang / bsam gtan dang / shes rab dang ldan no snyam pa de ni nga rgyal gyi las so/ /bdag ni byam pa dang / snying rje dang / dga' ba dang / btang snyoms la gnas so/ /snyam pa de ni

_{iiif viewer powered by OpenSeadragon}

198b - 199b

Texts on this page