rKTs

e-texts navigator

Volume

Page

198b₁ gang gi tshe byang chub sems dpa' bden pa bzhi po gang dag la tshul 'dis rtogs pa de ni bden pa shes pa zhes bya'o/ /bden pa bzhi po 'di rnams nyan thos kyi theg pa pa rnams dang / rang sangs rgyas kyi theg pa pa rnams ston la/ theg pa de dag la
198b₂ yang 'dod par mi byed pa de ni bden pa shes pa'i rnam par 'phrul pa zhes bya'o/ /rnam par 'phrul pa'i rgyal po gzhan yang shes pa'i rnam par 'phrul pa ni gang nyan thos kyi theg pa yang shes la/ de la gnas par shes pa yang ma yin
198b₃ pa dang / rang sangs rgyas kyi theg pa pa yang shes la/ de la gnas par shes pa yang ma yin pa dang / rang sangs rgyas kyi theg pa yang shes la/ de la gnas par shes pa ni shes pa'i rnam par 'phrul pa zhes bya'o/ /gzhan yang shes pa'i rnam
198b₄ par 'phrul pa ni gang shes pa gcig gis sems can thams cad kyi sems shes pa dang / sems kyi ngo bo nyid gcig gis sems can kyi sems kyi ngo bo nyid shes la/ sems dang shes pa la gnyis su yang mi 'jug pa'o/ /gzhan yang
198b₅ shes pa'i rnam par 'phrul pa ni gang 'das pa la shes pa dang mthong ba thogs pa med la/ 'das pa la ma 'ongs pa'i sems 'pho ba yang med pa dang / ma 'ongs pa la shes pa dang mthong ba med pa la ma 'ongs pa la 'das pa'i sems 'pho ba med pa dang /
198b₆ da ltar byung ba la shes pa dang mthong ba thogs pa med/ 'das pa dang / ma 'ongs pa dang / da ltar byung ba la yang sems spros pa med pa'o/ /gzhan yang shes pa'i rnam par 'phrul pa ni gang zag pa yang shes la dge ba'i rtsa ba mngon par 'du byed
198b₇ pa la yongs su mi zad par shes pa dang / skye ba med par shes la/ sdul ba'i dngos po la yang thabs shes pa 'di ni shes pa'i rnam par 'phrul pa'o/ /gzhan yang shes pa'i rnam pa'i 'phrul pa ni gang shin tu yongs su mya ngan las 'das pa'i
198b₈ chos rnams la gzhan gyi drin la mi 'jog par shes shing shes pa'i stobs des kyang 'di lta ste/ sems can thams cad yongs su smin par bya ba'i phyir yongs su mya ngan las 'da' ba 'di ni shes pa'i rnam par 'phrul pa zhes bya'o/ /rnam par

_{iiif viewer powered by OpenSeadragon}

198a - 199a

Texts on this page