rKTs

e-texts navigator

Volume

Page

197b₁ rnam par dag par ma yin pa'i phyir ro/ /rnam par 'phrul pa'i rgyal po de bas na/ de bzhin gshegs pa mthong bar 'dod pas ji ltar ngas chos nyid gcig pa dang / chos nyid gnyis su med par mar me mdzad mthong ba de ltar blta bar
197b₂ bya'o/ /ji ltar chos nyid gcig pa yin zhe na/ nga'i lus ji lta ba mar me mdzad kyi sku yang de bzhin/ mar me mdzad kyi sku ji lta ba sems can thams cad kyi lus kyang de bzhin te/ de bas na lus gcig pa dang / gnyis su med pa dang / gnyis
197b₃ su dbyer med pa ste/ 'di lta ste/ mtshan nyid med pa'i phyir chos nyid gcig pa shes par bya'i/ rnam par brtags pas shes par mi bya'o/ /rnam par 'phrul pa'i rgyal po 'di ni rten cing 'brel par 'byung ba mthong ba zhes bya ste/ rten cing
197b₄ 'brel par 'byung ba mthong bas chos mthong / chos mthong bas kyang sangs rgyas mthong ngo / /gang yang sems skyed pa thams cad la 'gog pa mngon du byed kyang yongs su mya ngan las mi 'da' zhing mi skye ba dang dmigs su med pa'i phyir thabs
197b₅ shes pas 'khor ba ston pa 'di ni de'i shes pa'i rnam par 'phrul pa'o/ /de la bden pa shes pa gang zhe na/ bden pa mngon par rtogs pa gang gis nyan thos kyi rnam par grol ba la reg par byed cing / bden par rtogs pa de nyid byang chub sems
197b₆ dpas mngon par rtogs par byas nas rnam par grol ba la yang reg par mi byed pa 'di ni de'i shes pa'i rnam par 'phrul pa'o/ /bden pa mngon par rtogs pa gang gis rang sangs rgyas kyi rnam par grol ba la reg par byed cing / bden pa mngon par rtogs
197b₇ pa de nyid byang chub sems dpas mngon par rtogs par byas nas/ rnam par grol ba la reg par yang mi byed pa 'di ni de'i skye ba med pa'i rnam par 'phrul pa yin mod kyi/ bden pa shes pa zhes bya ba ni gang yang dag par ma yin pa med pa sdug sngal
197b₈ yongs su shes pa'o/ /de'i yongs su shes pa gang zhe na/ phyin ci log tu skye ba'i phyir de yod pa ma yin zhing med la/ de la dngos po yod pa ma yin gyi/ dngos po med par shes pa ste/ gang gi tshe sdug bsngal skye ba med cing 'byung ba med

_{iiif viewer powered by OpenSeadragon}

197a - 198a

Texts on this page