rKTs

e-texts navigator

Volume

Page

197a₁ 'das par yang ma yin/ ma 'ong par yang ma yin/ da ltar byung bar mthong ba ma yin te/ gang de ltar mthong ba de ni de bzhin gshegs pa mthong ba'o/ /de nas bcom ldan 'das la byang chub sems dpa' rnam par 'phrul
197a₂ pa'i rgyal pos 'di skad ces gsol to/ /bcom ldan 'das gang chos rnams mthong ba des de bzhin gshegs pa mthong bar 'gyur ba'i rnam grangs mchis lags sam/ bcom ldan 'das kyis bka' stsal pa/ rnam par 'phrul pa'i
197a₃ rgyal po yod do/ /de ci'i phyir zhe na/ gzugs mi zad pa'i mtshan nyid/ skye ba med pa'i rang bzhin can te/ gang gzugs de ltar mthong ba de ni de bzhin gshegs pa mthong ba'o/ /tshor ba dang / 'du shes dang / 'du byed rnams dang / rnam par
197a₄ shes pa ni zad pa'i mtshan nyid/ skye ba med pa'i rang bzhin can te/ gang rnam par shes pa de ltar mthong ba de ltar mthong ba na de bzhin gshegs pa mthong ba'o/ /tshul khrims ni mngon par 'du mi byed pa'i mtshan nyid 'dus ma byas pa ste/ gang tshul
197a₅ khrims de ltar mthong ba de ni de bzhin gshegs pa mthong ba'o/ /ting nge 'dzin de ni mnyam pa mthong ba rnam par dag pa'o/ /de ltar ngas de bzhin gshegs pa mar me mdzad kyi tshe mthong ba rnam par dag go/ /der ngas rten cing 'brel par 'byung ba mthong
197a₆ bas chos mthong / chos mthong bas kyang de bzhin gshegs pa mthong bar gyur to/ /de nas byang chub sems dpa' rnam par 'phrul pa'i rgyal pos gsol pa/ bcom ldan 'das kyis mar me mdzad kyi pha rol tu de bzhin gshegs pa dag gzigs pa ji
197a₇ ltar gzigs/ bcom ldan 'das kyis bka' stsal pa/ gzugs kyi mtshan nyid yongs su rtog par mthong bas mthong gi chos kyi sku gnyis su med par mthong bas ni ma yin no/ /rnam par 'phrul pa'i rgyal po khyod mos par bya'o/ /khyod kyis khong
197a₈ du chud par bya'o/ /ngas byang chub kyi sems bskyed tshun cad de bzhin gshegs pa mar me mdzad gtogs par nam yang de bzhin gshegs pa ma mthong ngo / /de ci'i phyir zhe na/ gzugs kyi mtshan nyid mthong bas de bzhin gshegs pa mthong ba

_{iiif viewer powered by OpenSeadragon}

196b - 197b

Texts on this page