| e-texts navigator |
| བོད་ཡིག |
196b1 skye mched drug mi mthong / reg pa mi mthong / tshor ba mi mthong / sred pa mi mthong / len pa mi mthong / srid pa mi mthong / skye ba mi mthong / rga shi mi mthong ste/ de ltar gang chos rnams la tshul bzhin du mthong ba de nas rten cing
196b2 'brel par 'byung ba mthong ngo / /gang rten cing 'brel par 'byung ba mthong ba des ni chos mthong ngo / /chos gang mthong zhe na/ 'dod chags dang bral ba'i chos mthong ngo / /ci'i phyir 'dod chags dang bral ba zhe na/ 'di ltar de las
196b3 chos thams cad la chags pa'i lta ba dang bral ba'i de'i phyir 'dod chags dang bral ba'i chos mthong zhes bya'o/ /ci nas kyang lhag par yang mi byed/ bri bar yang mi byed pa de ltar mthong / ci nas kyang de kho nas mi g.yo zhing mi
196b4 chags pa de ltar mthong / ci nas kyang chos kyi dbyings tha dad par mi 'gyur ba de ltar mthong / ci nas kyang yang dag pa'i mtha' skyon med pa de ltar mthong / ci nas kyang mthong bas mthong ba yang mi mthong ba de ltar mthong /
196b5 ci nas kyang sha'i mig gis mthong ba yang ma yin pa dang / shes rab kyi mig gis mthong ba ma yin pa de ltar mthong ngo / /de ci'i phyir zhe na/ sha'i mig ni byed pa med pa ste/ byed pa med pa'i phyir mi mthong / lha'i mig ni
196b6 mngon par 'dus byas pa yin pas des 'dus ma byas pa mthong bar sla ba ma yin/ shes rab kyi mig ni rnam par mi rtogs pa ste/ rnam par mi rtogs pas mi mthong ba'i phyir ro/ /rnam par 'phrul pa'i rgyal po byang chub sems
196b7 dpa' gang chos rnams la de ltar mthong ba des de bzhin gshegs pa mthong ste/ gzugs su mthong ba ma yin/ tshor bar ma yin/ 'du shes su ma yin/ 'du byed rnams su ma yin/ rnam par shes par mthong ba ma yin/
196b8 mtshan dang dpe byad bzang por ma yin/ chos kyi dbyings su ma yin/ tshul khrims su mthong ba ma yin/ ting nge 'dzin du ma yin/ shes rab tu ma yin/ rnam par grol bar ma yin/ rnam par grol ba'i ye shes mthong ma yin/
iiif viewer powered by OpenSeadragon
Texts on this page
J111 - 'phags pa rnam par 'phrul ba'i rgyal pos zhus pa zhes bya ba theg pa chen po'i mdo