rKTs

e-texts navigator

Volume

Page

195b₁ skyed do snyams du mi sems/ skye ba ni rga shi'i rkyen yin mod kyi skye ba yang 'di snyams du bdag ni rga shi skyed do snyam du mi sems te/ rnam par 'phrul pa'i rgyal po gang gi tshe byang chub sems dpa' de ltar rten cing 'brel par 'byung ba la so
195b₂ sor rtog pa ni/ de las chad par lta ba 'am/ rtag par lta ba'i lta ba gnyis la gnas par mi 'gyur ro/ /de 'di snyam du chos 'di dag thams cad ni rgyu dang rkyen la rag las pa'o snyam du sems shing / de rgyu dang rkyen de dag tshol te btsal
195b₃ na yang mi rnyed do/ /de nas rten cing 'brel par 'byung ba la mnyam par 'jug go/ /shes pa ji lta bu zhig 'jug ce na/ rten cing 'brel par 'byung ba dang skye ba med par mnyam pa ste/ stong pa nyid gang dang mnyam pa rten cing
195b₄ 'brel par 'byung ba yang de dang mnyam/ mtshan ma med pa gang dang mnyam pa rten cing 'brel par 'byung ba de yang de dang mnyam/ smon pa med pa gang dang mnyam pa rten cing 'brel par 'byung ba yang de dang mnyam mo/ /mnyam pa de nyid
195b₅ gang gis de bzhin gshegs pas chos thams cad mngon par rdzogs par sangs rgyas pa de rten cing 'brel par 'byung ba dang mnyam mo/ /rten cing 'brel par 'byung ba gang mnyam pa de la bdag skye ba med/ sems can skye ba med/ srog
195b₆ skye ba med/ gang zag skye ba med la chos gang yang skye ba med de/ de bas na rten cing 'brel par 'byung ba bzhes bya'o/ /rten cing 'brel par 'byung ba ni 'byung ba med par blta bar bya ste/ gang 'byung ba med par shes pa de ni rten
195b₇ cing 'brel par 'byung ba shes pa yin mod kyi yang ma rig pa dang / rig pa de gnyis su med cing gnyis su byar med de/ gang de shes pa de ni rten cing 'brel par 'byung ba shes pa'o/ /'du byed dang / 'du byed ma yin pa de dag gnyis
195b₈ su med cing gnyis su dbyer med de/ gang de shes pa de ni rten cing 'brel par 'byung ba shes pa'o/ /rnam par shes pa dang / rnam par shes pa ma yin pa de ni gnyis su med cing gnyis su dbyer med do/ gang de shes pa de ni rten cing

_{iiif viewer powered by OpenSeadragon}

195a - 196a

Texts on this page