| e-texts navigator |
| བོད་ཡིག |
195a1 kyang yongs su 'dzin cing phung po dang / khams dang / skye mched rnams kyang mi spong ba de ni de'i shes pa'i rnam par 'phrul pa'o/ /gang phung po dang / khams dang / skye mched dag gi mtshan nyid gang yin pa dang / ngo bo nyid
195a2 gang yin pa de dag rab tu shes la/ de rnams spong bar mi byed cing / khams gsum na yang snang la/ nyon mongs pa dang yang lhan cig mi gnas shing skye ba dang 'byung ba dag kyang bston la/ skye bar yang mi 'gyur/ 'chi 'pho bar
195a3 yang mi 'gyur ba de ni de'i shes pa'i rnam par 'phrul pa'o/ /de la rten cing 'brel par 'byung ba shes pa gang zhe na/ ma rig pa gang ni 'du byed rnams kyi rkyen yin mod kyi ma rig pa yang 'di snyams du bdag ni 'du byed rnams skyed do
195a4 snyams du mi sems/ 'du byed rnams ni rnam par shes pa'i rkyen yin mod kyi 'du byed rnams kyang 'di snyams du bdag cag ni rnam par shes pa skyed do/ /snyams du mi sems rnam par shes pa ni ming dang gzugs kyi rkyen yin
195a5 mod kyi/ rnam par shes pa yang 'di snyams du bdag ni ming dang gzugs skyed do snyams du mi sems/ ming dang gzugs ni skye mched drug gi rkyen yin mod kyi/ ming dang gzugs kyang 'di snyams du bdag ni skye mched drug skyed
195a6 do snyams du mi sems/ skye mched drug ni reg pa'i rkyen yin mod kyi/ skye mched drug kyang 'di snyams du bdag ni reg pa skyed do snyams du mi sems/ reg pa ni tshor ba'i rkyen yin mod kyi reg pa yang 'di snyams du bdag ni
195a7 tshor ba skyed do/ /snyams du mi sems/ tshor ba ni sred pa'i rkyen yin mod gyi tshor ba yang 'di snyams du bdag ni sred pa skyed do snyams du mi sems/ sred pa ni len pa'i rkyen yin mod kyi sred pa yang 'di snyams du bdag ni
195a8 len pa skyed do snyams du mi sems/ len pa ni srid pa'i rkyen yin mod kyi len pa yang 'di snyams du bdag ni srid pa skyed do snyams du mi sems/ srid pa ni skye ba'i rkyen yin mod kyi srid pa yang 'di snyams du bdag ni skye ba
iiif viewer powered by OpenSeadragon
Texts on this page
J111 - 'phags pa rnam par 'phrul ba'i rgyal pos zhus pa zhes bya ba theg pa chen po'i mdo