| e-texts navigator |
| བོད་ཡིག |
194a1 lnga po de dag stong zhing shin du stong par shes pa de ni phung po shes pa zhes bya'o/ /rnam par 'phrul pa'i rgyal po de la khams shes pa gang zhe na/ sa'i khams chos kyi dbyings/ chu'i khams chos kyi dbyings/ me'i khams
194a2 chos kyi dbyings/ rlung gi khams chos kyi dbyings te/ de ci'i phyir zhe na/ khams bzhi po de dag thams cad chos kyi dbyings su khams gcig ste/ 'di lta ste/ nam mkha'i khams yin la/ nam mkha'i khams dang /
194a3 chos kyi dbyings de ni dbyings ma yin te/ de ni sa'i khams ma yin/ chu'i khams ma yin/ me'i khams ma yin/ rlung gi khams ma yin pa'i phyir ro/ /de ci'i phyir zhe na/ 'gyur ba med pa'i dbyings ni chos kyi dbyings/ gnyis
194a4 su med pa'i dbyings ni chos kyi dbyings/ skye ba med pa'i dbyings ni chos kyi dbyings/ kun nas nyon mongs pa med pa'i dbyings ni chos kyi dbyings/ shin du rnam par dag pa'i dbyings ni chos kyi dbyings yin pa'i phyir te/
194a5 chos kyi dbyings ci 'dra ba bdag gi dbyings kyang de bzhin/ sems can gyi dbyings kyang de bzhin/ srog gi dbyings kyang de bzhin/ gang zag gi dbyings kyang de bzhin/ 'khor ba'i dbyings kyang de bzhin/ mya ngan las
194a6 'das pa'i dbyings kyang de bzhin/ mya ngan las 'das pa'i dbyings ji lta ba de bzhin du 'dod pa'i khams kyang de'i khams/ gzugs kyi khams kyang de'i khams/ gzugs med pa'i khams kyang de'i khams/ 'dus
194a7 byas kyi khams kyang de'i khams/ 'dus ma byas kyi khams kyang de'i khams te/ de bas na mya ngan las 'das pa'i dbyings shes bya'o/ /rnam par 'phrul pa'i rgyal po gzugs kyi khams rnams la de ltar gzhan gyi
194a8 dring la mi 'jog par shes pa gang yin pa de ni khams shes bya'o/ /rnam par 'phrul pa'i rgyal po de la skye mched shes pa gang zhe na/ mig ni rang bzhin las ma skyes shing ma byung ba ste/ de la byed pa po gang yang med do/ /
iiif viewer powered by OpenSeadragon
Texts on this page
J111 - 'phags pa rnam par 'phrul ba'i rgyal pos zhus pa zhes bya ba theg pa chen po'i mdo