rKTs

e-texts navigator

Volume

Page

190b₁ pa dang 'gyur ba'i chos can yin/ tshangs pa'i bde ba rjesu dran la de yang mi rtag pa dang 'gyur ba'i chos can yin no/ /sngon gyi sangs rgyas bcom ldan 'das rnams kyi zhing gi yon tan bkod pa dang / nyan thos
190b₂ kyi yon tan bkod pa dang / byang chub sems dpa'i yon tan bkod pa nye bar spyod pa dang / yongs su spyod pa rjes su dran zhing sangs rgyas bcom ldan 'das de dag gi gzugs kyi sku phun sum tshogs pa dang / chos kyi 'khor
190b₃ lo bskor ba phun sum tshogs pa yang rjes su dran no/ /de de ltar rjes su dran pa ni 'dus byas kyi dngos po thams cad dang / yongs su 'dzin pa thams cad la mi lta ba'i 'du shes pa yin no/ /de ci'i phyir zhe na/ 'di ltar
190b₄ de 'di snyam du sangs rgyas kyi zhing rgya chen po dang / sangs rgyas kyi gzugs kyi sku de dag kyang zad pa'i chos nyid kyi zad pa yin te/ de bas na bdag gi yo su gzung ba 'di yang mi rtag go snyam du sems shing / de bdag gi yongs su
190b₅ gzung ba mi rtag pa nyid la yang ston/ 'gyur ba la yang ston to/ /de 'di snyam du yang sems te/ e ma'o 'du byed thams cad shin tu mi rtag na sems can rnams rtag par 'du shes so snyam du de sems can rnams la snying rje chen po skye
190b₆ zhing dngos po thams cad la mi lta bar 'gyur ro/ /rnam par 'phrul pa'i rgyal po 'di ni byang chub sems dpa'i mngon par shes pa'i rnam par 'phrul pa bzhi pa ste/ dngos po thams cad mi rtag par yang rtogs la/ sems can yongs su
190b₇ smin par bya ba'i phyir srid pa rnams su bsam bzhin du skye ba dang / yongs su 'dzin pa med par bya ba'i phyir yongs su gzung ba yongs su 'dzin cing / sems can rnams yongs su smin par bya ba nyid kyi phyir nye bar len pa med par nye bar len to/ /
190b₈ rnam par 'phrul pa'i rgyal po de la byang chub sems dpa' rnams kyi rdzu 'phrul gyi rnam par 'phrul pa gang zhe na/ rnam par 'phrul pa'i rgyal po 'di la byang chub sems dpa' 'dun pa dang / brtson 'grus dang / sems dang /

_{iiif viewer powered by OpenSeadragon}

190a - 191a

Texts on this page