| e-texts navigator |
| བོད་ཡིག |
190a1 shes te/ de phung po lnga char sngon gyi mthas dben pa nyid dang / phyi ma'i mthas dben pa nyid dang / da ltar byung bas dben pa nyid du rab tu shes so/ /de chos thams cad sngon gyi mthas stong pa'i
190a2 ngo bo nyid dang / da ltar byung bas stong pa'i ngo bo nyid dang / phyi ma'i mthas stong pa'i ngo bo nyid du rab tu shes so/ /rnam par 'phrul pa'i rgyal po byang chub sems dpa' sngon gyi gnas rjes su dran pa ni sngon gyi dge ba'i rtsa
190a3 ba yongs su nyams par yang mi 'gyur la/ las mngon par 'du bya ba sngon byas pa yang yongs su zad par 'gyur ro/ /de ci'i phyir zhe na/ des chos thams cad sar pa ma yin pa dang / rnying pa ma
190a4 yin par shes pa'i phyir ro/ /des shes pa de lta bu dang ldan pas 'du byed du gtogs pa rnams rmi lam lta bur mos par byed de/ 'di lta ste/ dper na rmi lam na skye ba dang / 'chi ba dang / bde ba
190a5 dang sdug bsngal rmi ba de bzhin du 'du byed thams cad la mos par byed do/ /de de ltar mos pas 'khor ba las skyo bar mi 'gyur la/ sems can thams cad la yang snying rje bar 'gyur ro/ /chos thams cad la bcos
190a6 ma 'du shes su 'gyur te/ de 'di snyam du bdag bskal pa stong phrag 'di snyed gcig tu 'khor bar gyur pa de yang dag par ma yin zhing med pa'o/ /'byung ba chen po rnams ni med pas gang na 'byung ba chen po rnams mi srid pa'i sems
190a7 can thams cad kyi 'khor ba yang de bzhin te/ yang dag pa ma yin zhing med pa'o snyam du mi sems so/ /rnam par 'phrul pa'i rgyal po byang chub sems dpa' de sngon gyi gnas rjes su dran la de 'byung ba rnams dang /
190a8 'du byed rnams mi rtag pa nyid du mthong ste/ de ci'i phyir zhe na/ de ni 'khor los bsgyur ba'i bde ba rjesu dran pa de yang mi rtag pa dang 'gyur ba'i chos can yin/ brgya byin gyi bde ba rjes su dran la de yang mi rtag
iiif viewer powered by OpenSeadragon
Texts on this page
J111 - 'phags pa rnam par 'phrul ba'i rgyal pos zhus pa zhes bya ba theg pa chen po'i mdo