rKTs

e-texts navigator

Volume

Page

189a₁ sems kyi rang bzhin zhe sdang ma yin pa'i phyir ro/ /gal te 'khor gti mug la spyod pa yin na yang de'i sems rab tu shes so/ /gti mug dang bral ba'i sems kyang yang dag par mthong ngo / /de ci'i phyir zhe na/
189a₂ sems kyi rang bzhin ni gti mug ma yin pa'i phyir ro/ /gal te 'khor nyan thos kyi theg pa la mos pa yin na yang spyod pa de kho na bzhin du shes te/ chos kyi dbyings chung bar yang mi byed do/ /gal te 'khor
189a₃ rang sangs rgyas kyi theg pa la mos pa yin na yang spyod pa de kho na bzhin du shes te/ chos kyi dbyings 'bring du yang mi byed do/ /gal te 'khor theg pa chen po la mos pa yin na yang spyod pa de kho na bzhin du shes te/
189a₄ chos kyi dbyings mchog tu yang mi byed do/ /de sems can thams cad kyi sems kyi khams kyi spyod pa shes pas kyang chos ston la/ sems kyi rang bzhin la rnam par rtogs pa yang med do/ /theg pa thams
189a₅ cad rnam par 'jog pas kyang chos ston la chos kyi dbyings tha dad par yang mi byed do/ /chos kyi dbyings tha dad pa med pas kyang sems can thams cad kyi spyod pa rab tu shes so/ /de sems kyis sems la rnam par lta la/
189a₆ sems kyis sems la spyod par yang mi byed cing mi mthun par yang mi byed do/ /sems can thams cad kyi sems kyi dbyings de dag kyang rab tu shes te/ chos kyi dbyings gang yin pa de sems kyi dbyings yin par rab tu
189a₇ shes so/ /rnam par 'phrul pa'i rgyal po de ltar na byang chub sems dpa' pha rol gyi sems shes pa'i mngon par shes pa thob ste/ mngon par shes pa des lha dang bcas pa'i 'jig rten gyi khams mngon par shes so/ /
189a₈ rnam par 'phrul pa'i rgyal po gzhan yang byang chub sems dpa' sngon gyi gnas shes pa mngon sum du byed pa'i mngon par shes pa 'thob cing de brjod pa med la/ dbang po mnyam par bzhag pas sngon gyi gnas rjes su dran te/

_{iiif viewer powered by OpenSeadragon}

188b - 189b

Texts on this page