rKTs

e-texts navigator

Volume

Page

187b₁ pa de'i thad du bzhud kyis tshur spyon/ de nas dge slong rdo rje'i lte ba bdud rnam par gnon pa dang / bdud brgyad khri bzhi stong po de dag dang 'grogs te/ bcom ldan 'das 'od dri ma med pa'i 'od zer gyi rgyal po de bzhin gshegs pa
187b₂ ga la ba der dong nas lhag pa dang / bcom ldan 'das kyis zhabs la mgo bos phyag 'tshal te thal mo sbyar nas spyan sngar 'khod pa dang / de bzhin gshegs pa des de dag la tshul khrims la gnas pa de nyid dang / chos 'phags pa la
187b₃ sbyor ba de nyid las brtsams te/ ci nas kyang de dag thams cad bla na med pa yang dag par rdzogs pa'i byang chub las phyir mi ldog par 'gyur ba de lta bur chos bstan to/ /rnam par 'phrul pa'i rgyal po de'i tshe de'i dus na dge slong rdo rje'i lte ba zhes bya ba de gzhan
187b₄ zhig yin pa snyam na khyod kyis de ltar mi blta'o/ /de ci'i phyir zhe na/ rnam par 'phrul pa'i rgyal po khyod nyid de'i tshe de'i dus na dge slong rdo rje'i lte ba zhes bya bar gyur to/ /byang chub sems dpa' sa 'dzin ni de'i tshe de'i dus na bdud rnam par gnon pa zhes
187b₅ bya bar gyur te/ rnam par 'phrul pa'i rgyal po 'di ni byang chub sems dpa' rnams kyi tshul khrims kyi rnam par 'phrul pa ste/ rnam par 'phrul pa de la brten nas smon lam gyi bye brag bsam gyis mi khyab pa rnams byang chub sems dpa' rnams
187b₆ la ston cing sems can tshad med pa rnams kyang byang chub tu yongs su smin par byed/ bdud phyir rgol ba rnams kyang bcom nas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ rnam par 'phrul pa'i rgyal po
187b₇ de la byang chub sems dpa' rnams kyi mngon par shes pa'i rnam par 'phrul pa gang zhe na/ mngon par shes pa'i rnam par 'phrul pa zhes bya ba ni rnam pa lnga ste/ 'di lta ste/ lha'i mig dang / lha'i rna ba dang / pha rol gyi sems shes pa dang /
187b₈ sngon gyi gnas rjes su dran pa dang / rdzu 'phrul bya ba'o/ /rnam par 'phrul pa'i rgyal po de la byang chub sems dpa' rnams kyi lha'i mig gi rnam par 'phrul pa'i mngon par shes pa ji lta bu zhe na/ mig gi rnam par 'phrul pa'i mngon

_{iiif viewer powered by OpenSeadragon}

187a - 188a

Texts on this page