| e-texts navigator |
| བོད་ཡིག |
187a1 ba 'di la gang zag yod par gyur na sems can gang yang shin tu dag pa dang thar bar mi 'gyur ba'i phyir ro/ /rnam par 'phrul pa'i rgyal po de lta bas na chos thams cad gang zag med mod kyi de bzhin gshegs pa ni 'jig rten gyi tha snyad du gang zag
187a2 ces gsungs so/ /de bas na byang chub sems dpa' chos la rten pa yin gyi gang zag la rton pa ma yin no/ /rnam par 'phrul pa'i rgyal po chos shes bya ba de ni chos kyi dbyings kyi tshig bla dgas so/ /rnam par 'phrul pa'i rgyal po chos
187a3 kyi dbyings zhes bya ba de ni skye ba med pa'i dbyings kyi tshig bla dgas so/ /rnam par 'phrul pa'i rgyal po skye ba med pa zhes bya ba de ni 'byung ba med pa'i tshig bla dgas so/ /rnam par 'phrul pa'i rgyal po tshig bla dgas so zhes bya ba de ni brjod
187a4 du med pa'i tshig bla dgas so/ /de ci'i phyir zhe na/ tshig gang dang gang gis chos gang dang gang brjod pa'i chos de dang de tshig de la yod pa ma yin la/ gang yod pa ma yin pa de bla dgas yin pa'i phyir te/ de'i phyir tshig bla dgas shes bya'o/ /
187a5 chos thams cad ni tshig med pa tshig du brjod pa med pa'o/ /de la ngas tshig brjed pa med pa'o/ /de la ngas tshig brjod pa gang yin pa de ni tshig med pa ste/ brjod pa ma skyes shing yang dag pa ma yin pa'i phyir thams cad 'jug pa med par
187a6 bya ba'i phyir chos kyi 'khor lo skor ro/ /chos kyi 'khor lo de bskor kyang rung ma bskor kyang rung chos kyi dbyings kyi mtha' tshad med pa de nyid spong bar yang mi byed do/ /chos kyi 'khor lo bskor ba de gang dag gis shes par gyur pa de dag thams cad kyang
187a7 de bskor ba nyid du 'gyur ro/ /de nas bdud rnam par gnon pa g.yog 'khor dang bcas pa dge slong rdo rje'i lte ba de'i slob mar khas blangs nas 'di skad ces smras so/ /bdag ni dge slong khyed la skyabs su mchi'o/ /des de la 'di skad ces
187a8 smras so/ /khyod kho bo la skyabs su ma 'gro bar de bzhin gshegs pa 'od dri ma med pa'i 'od zer gyi rgyal po gang gis chos 'di lta bu bstan pas khyod de nyid la skyabasu song shig /des de la 'di skad ces smras so/ /kye da de bzhin gshegs
iiif viewer powered by OpenSeadragon
Texts on this page
J111 - 'phags pa rnam par 'phrul ba'i rgyal pos zhus pa zhes bya ba theg pa chen po'i mdo