rKTs

e-texts navigator

Volume

Page

186b₁ las 'gal ba'i chos la gnas pa yin te/ de dag ni drang dgos pa yin no/ /gang gis drang zhe na/ sgras drang ngo / /nges pa'i don gyi mdo sde la rton pa dag ni sgras drang ba ma yin no/ /de ci'i phyir zhe na/ de dag gis don dam pa brjod du med pa rtogs shing de dag
186b₂ gis 'das pa dang / ma 'ongs pa dang / da ltar byung ba'i chos thams cad la lhag chad med par shes pa'i phyir te/ rnam par 'phrul pa'i rgyal po don gyi rnam pa 'di la de ltar chos nyid 'di la rton na mdo sde thams cad nges pa'i don du 'gyur ro/ /de ltar mi rton na mdo
186b₃ sde thams cad drang ba'i don du 'gyur ro/ /rnam par 'phrul pa'i rgyal po gzhan yang byang chub sems dpa' sangs rgyas bcom ldan 'das de dag las chos nyan pa na ye shes la rton pa yin gyi rnam par shes pa la mi rton to/ /de ci'i phyir zhe na/ des rnam par shes
186b₄ pa sgyu ma lta bu dang / dben pa dang / ngo bo nyid med pa dang / gzugs med pa dang / bstan du med pa dang / thog pa med pa dang / rnam par rig pa ma yin par shes pa'i phyir te/ gang rnam par shes pa de ltar rtogs pa de ni ye shes yin no/ /
186b₅ de ye shes la rton pa yin gyi rnam par shes pa'i rjes su mi rgyug kyang gzhan dag la rnam par shes pa de ston te/ de la mtshan mar yang mi 'dzin cing de rnam par shes pa la ye shes so zhes kun tu skyed de/ rnam par shes pa 'am/ ye shes la mngon
186b₆ par zhen par yang mi 'gyur ro/ /rnam par shes pa de kho na la mngon par zhen pas ye shes kyi de kho na mi brjod do/ /rnam par 'phrul pa'i rgyal po byang chub sems dpa' gang ye shes la rton pa de ni rnam par shes pa dang lhan gcig mi gnas so/ /sems
186b₇ can gzhan dag la rnam par shes pa ma yin par yang chos mi 'chad do/ /rnam par 'phrul pa'i rgyal po 'di ni byang chub sems dpa'i mngon par shes pa'i rnam par 'phrul pa yin te/ lha'i rna ba thob pa des ye shes kyi dbyings 'di rtogs par 'gyur ro/ /
186b₈ rnam par 'phrul pa'i rgyal po byang chub sems dpa' de gang zag gi tshig bla dgas dang ldan pa'i chos nyan cing chos nyid la rton gyi gang zag la mi rton to/ /de ci'i phyir zhe na/ rnam par 'phrul pa'i rgyal po gal te legs par gsungs pa'i chos 'dul

_{iiif viewer powered by OpenSeadragon}

186a - 187a

Texts on this page